ក្រសួងធនធានទឹក ៖ ចាប់ពីថ្ងៃទី២ ដល់ថ្ងៃទី៨ ខែវិច្ឆិកា ធ្លាក់ត្រជាក់ខ្លាំង នៅខេត្តមណ្ឌលគិរី រតនគិរី ព្រះវិហារ និងខេត្តឧត្តរមានជ័យ តែមិនមានភ្លៀងធ្លាក់

ភ្នំពេញ ៖ ចាប់ពីថ្ងៃទី២ ដល់ថ្ងៃទី៨ ខែវិច្ឆិកា ធ្លាក់ត្រជាក់ខ្លាំង នៅខេត្តមណ្ឌលគិរី រតនគិរី ព្រះវិហារ និងខេត្តឧត្តរមានជ័យ តែមិនមានភ្លៀងធ្លាក់ ។ នេះបើយោងតាមសេចក្តីជូនដំណឹង ស្តីពី ស្ថានភាពធាតុអាកាស (ចាប់ពីថ្ងៃទី២ ដល់ថ្ងៃទី៨ ខែវិច្ឆិកា ឆ្នាំ២០២២)របស់ការផ្សាយរបស់ក្រសួងធនធានទឹក និងឧតុនិយម នៅព្រឹក ថ្ងៃទី១ ខែវិច្ឆិកា ឆ្នាំ២០២២។

ក្រសួងធនធានទឹកនិងឧតុនិយម  បានបញ្ជាក់ថា, ក្នុងអំឡុងមួយសប្ដាហ៍ខាងមុខនេះ ព្រះរាជាណាចក្រកម្ពុជា នឹងទទួលឥទ្ធិពលពីទ្រនុងសម្ពាធខ្ពស់ ( ប្រទេសចិន ) និងខ្យល់បក់មកពីទិសឦសាន ។

ស្ថានភាពបែបនេះនឹងធ្វើឲ្យ ៖

១-តំបន់ទំនាបកណ្តាល

– សីតុណ្ហភាពអប្បបរមា មានពី ២១-២៣ °C –

– សីតុណ្ហភាពអតិបរមា មានពី ៣១-៣៣ °C – មិនមានភ្លៀងធ្លាក់ ។ បើមានក៏តិចតួចតែប៉ុណ្ណោះ ។

២-តំបន់ខ្ពង់រាប

– សីតុណ្ហភាពអប្បបរមា មានពី ២០-២២ °C – សីតុណ្ហភាពអតិបរមា មានពី ៣០-៣២ °C

– មិនមានភ្លៀងធ្លាក់ ។ ចាប់ពីថ្ងៃទី២-៤ ខែវិច្ឆិកា ធាតុអាកាសនឹងអាចចុះត្រជាក់នៅពេលព្រឹក នៅបណ្ត ខេត្តមួយចំនួនមាន ៖ ខេត្តមណ្ឌលគិរី រតនគិរី ព្រះវិហារ និងខេត្តឧត្តរមានជ័យ ដោយសីតុណ្ហភាព អប្បបរមាមានពី ១៧-១៨ °C ។

៣-តំបន់មាត់សមុទ្រ ៖

– សីតុណ្ហភាពអប្បបរមា មានពី ២១-២៣ °C

– សីតុណ្ហភាពអតិបរមា មានពី ៣១-៣៣ °C

– មិនមានភ្លៀងធ្លាក់ ។ បើមានក៏តិចតួចតែប៉ុណ្ណោះ ។

អាស្រ័យដូចបានជម្រាបជូនខាងលើ សូមសាធារណជនទទួលជ្រាបជាព័ត៌មាន និងមានការប្រុងប្រយ័ត្ន ចំពោះធាតុអាកាសចុះត្រជាក់ ៕

ដោយ : សុខ ខេមរា