សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តម៉ាកឡង់គ្រីស័រមួយគ្រឿងម្ចាស់បេីកបរក្នុងល្បឿនលឿនជ្រុលបុករបាំងថ្មពុះចែកទ្រូងផ្លូវពេញទំហឹង បណ្តាលឲ្យរងការខូចខាតយ៉ាងដំណំ កាលពីវេលាម៉ោង១១និង១០នាទីយប់ ថ្ងៃទី១៣ ខែវិច្ឆិកា ឆ្នាំ២០២២ តាមបណ្តោយផ្លូវ៥៩៨ សង្កាត់ច្រាំងចំរះទី២ ខណ្ឌឬស្សីកែវ ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តម៉ាកឡង់គ្រីស័រ ពណ៌ស ពាក់ស្លាកលេខភ្នំពេញ2AZ 9238 ធ្វេីដំណេីរតាមបណ្តោយផ្លូវលេខ៥៩៨ ក្នុងទិសដៅពីជេីងទៅត្បូងក្នុងល្បឿនលឿនមិនប្រយ័ត្នក៏ជ្រុលបុករបាំងថ្មពុះចែកទ្រូងផ្លូវពេញទំហឹងបណ្តាលឲ្យរបាំងថ្មវៀចចេញពីគន្លងជួរ៣កង់ចំណែករថយន្តរងការខូចខាតយ៉ាងដំណំសំណាងមិនមានមនុស្សរងរបួស។
ក្រោយកេីតហេតុម្ចាស់រថយន្តបានគេចចេញពីកន្លែងកេីតហេតុបាត់បន្សល់ទុកតែរថយន្តនៅកន្លែងកេីតហេតុត្រូវបានសមត្ថកិច្ចជំនាញមកស្ទូចយករថយន្តទៅរក្សាទុករង់ចាំដោះស្រាយពេលក្រោយ ៕
ដោយ៖សុខាសែនជ័យ
