សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ កម្លាំងអធិការដ្ឋាននគរបាលស្រុកភ្នំស្រួច បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនម្នាក់ រួមនឹងវត្ថុតាងជាក់ស្ដែង យកមកសាកសួរដេីម្បីចាត់ការតាមច្បាប់។ នេះបេីយោងស្នងការដ្ឋាននគរបាលខេត្តកំពង់ស្ពឺ បានឱ្យដឹងនៅព្រឹកថ្ងៃចន្ទទី២៨ ខែវិច្ឆិកា ឆ្នាំ២០២២។
របាយការណ៍ដដែលបន្តថា ការឃាត់ខ្លួនមុខសញ្ញាខាងលេីនេះ បានធ្វេីឡេីងនៅវេលាម៉ោង ៣និង៣០នាទីរសៀលថ្ងៃទី២៧ ខែវិច្ឆិកាម្សិលមិញនេះ នៅចំណុចភូមិសំបួរ ឃុំមហាសាំង ស្រុកភ្នំស្រួច ខេត្តកំពង់ស្ពឺ ។
សូមជម្រាបថា កម្លាំងអធិការដ្ឋាននគរបាលស្រុកភ្នំស្រួច បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបានម្នាក់ ឈ្មោះ ស៊ីវ សុភាព ភេទ ប្រុស អាយុ ៣៦ឆ្នាំ នៅភូមិស្រីប្រសើរ ឃុំធម្មតាអរ ស្រុកសំរោងទង ខេត្តកំពង់ស្ពឺ ។
វត្ថុរួមមាន ៖ ម្សៅក្រាមពណ៌សថ្លាសង្ស័យជាគ្រឿងញៀន ៩កញ្ចប់ (៨តូច និង ១មធ្យម) ទម្ងន់ ក្រាម , និង ទូរស័ព្ទ ១ ។
បច្ចុប្បន្នជនសង្ស័យ និងវត្ថុតាងកម្លាំងការិយាល័យជំនាញ កំពុងកសាងសំណុំរឿង ចាត់ការតាមនីតិវិធី ៕
ដោយ៖អារុណរះ
