សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីវ័យចំណាស់ម្នាក់ត្រូវបានគេប្រទះឃេីញដេកស្លាប់នៅក្នុងបន្ទប់ទឹកសង្ស័យខ្យល់គរ និងសត្វឆ្កែចំនួន២ក្បាលទៀតងាប់ក្នុងរបងផ្ទះសង្ស័យអត់អាហារ។ ហេតុការណ៍នេះបង្កការភ្ញាក់ផ្អេីលកាលពីវេលាម៉ោង១រសៀល ថ្ងៃទី១៥ ខែធ្នូ ឆ្នាំ២០២២ នៅភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ។ ជនរងគ្រោះឈ្មោះសុខ វណ្ណា ភេទស្រីអាយុ៧០ឆ្នាំ គ្មានបងប្អូន ស្នាក់នៅកន្លែងកេីតហេតុខាងលេី។
តាមសម្តីម្ចាស់ផ្ទះបានឱ្យដឹងថា កាលពី១សប្តាហ៍កន្លងផុតទៅគាត់បានខលមកជនរងគ្រោះដែរតែគ្មានអ្នកលេីក។រហូតមកដល់ថ្ងៃកេីតហេតុគាត់ក៏បានមកមេីលឃេីញចាក់សោរបងជាប់ខាងក្នុងនិងមានក្លិនស្អុយទេីបមានការសង្ស័យក៏វាយសោចូលទៅមេីលឃេីញសត្វឆ្កែ២ក្បាលងាប់ ពេលគាត់ចូលទៅមេីលក្នុងបន្ទប់ទឹកក៏ឃេីញជនរងគ្រោះស្លាប់បាត់ទៅហើយដោយមានសភាពស្អុយរលួយ ទេីបគាត់រាយការណ៍ទៅសមត្ថកិច្ចចុះមកពិនិត្យជាក់ស្តែង។
តាមការសន្និដ្ឋានជំហានដំបូងគឺសង្ស័យជនរងគ្រោះខ្យល់គរដួលខណៈចូលបន្ទប់ទឹក ចំណែកសត្វឆ្កែវិញងាបដោយសារអត់អាហារ។
សពជនរងគ្រោះត្រូវបានសមត្ថកិច្ចយកទៅវត្តស្ទឹងមានជ័យដេីម្បីបូជាតាមប្រពៃណី៕
ដោយ៖ សុខាសែនជ័យ
