សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ គ្រោះថ្នាក់ពេលយប់លេីផ្លូវល្បឿនលឿន រវាងរថយន្តហាយឡេនឌ័រ និងរថយន្តក្រឡុកស៊ីម៉ងត៍ បណ្តាលឱ្យមនុស្សរងរបួសធ្ងន់ ហើយរថយន្តខូចស្ទេីរ ទាំងស្រុង។
មន្ត្រីនគរបាលខេត្តកំពង់ស្ពឺឱ្យដឹងថា ករណីគ្រោះថ្នាក់ចរាចរណ៍ រថយន្តទេសចរណ៍បុកពីក្រោយរថយន្តក្រឡុកសុីម៉ងត៍កាលពីយប់ថ្ងៃពុធ ទី២១ ខែធ្នូ ឆ្នាំ២០២២វេលាម៉ោង២១និង៤៦នាទី នៅផ្លូវល្បឿនលឿនចន្លោះគីឡូម៉ែត្រលេខ៥៣-៥៤ត្រង់ចំណុចភូមិត្រពាំងក្រឡឹង ឃុំគីរីវន្ត ស្រុកភ្នំស្រួច ខេត្តកំពង់ស្ពឺ ។
ហេតុការណ៍រថយន្តម៉ាកហាយឡេនឌ័រ ពណ៌ត្រីអ៊ុីពាក់ស្លាកលេខ2AK-8269 បើកបរដោយឈ្មោះ មួង រុំ ភេទ ប្រុសអាយុ៤៧ឆ្នាំ រស់នៅខេត្តកណ្ដាល អ្នករួមដំណើរ ១នាក់ ជនជាតិកូរ៉េ បើកបរពីទិសខាងលិចទៅកើតក្នុងគន្លងផ្លូវល្បឿនលឿន មកដល់ចំណុចខាងលើបានបុកពីក្រោយរថយន្ត១គ្រឿង ម៉ាកហ្វូតុន ក្រឡុកសុីម៉ងត៍ពណ៌ស ពាក់ស្លាកលេខAT22 5-0220 ជារថយន្ដក្រុមហ៊ុនវិនយោគក្នុងការបើកបរស្របទិសគ្នានេះ ប្រហែលមកការគេចចេញគន្លងឡាញល្បឿនមិនបានប្រុងប្រយ័ត្នបណ្តាលឲ្យគ្រោះថ្នាក់មនុស្ស និងខូចខាតរថយន្ដស្ទេីរទាំងស្រុង។
វត្ថុតាងទាំងពីរត្រូវយកទៅរក្សាទុកនៅបញ្ជរបង់ប្រាក់គីឡូម៉ែត្រលេខ២៦ក្រុមហ៊ុនផ្លូវល្បឿនលឿន ដើម្បីចាត់ការតាមនីតិវិធី៕
ដោយ៖ សូរិយា
