សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងសមត្ថកិច្ចនគរបាលប៉ុស្តិ៍ច្បារអំពៅ២ ខណ្ឌច្បារអំពៅ បានឃាត់ខ្លួនជនសង្ស័យម្នាក់ ករណីជួញដូរដោយខុសច្បាប់នូវសារធាតុញៀន នៅមុខផ្ទះជួល ភូមិដើមចាន់ សង្កាត់ ច្បារអំពៅ២ ខណ្ឌច្បារអំពៅ កាលពីថ្ងៃទី១៥ ខែមករា ឆ្នាំ២០២៣ វេលាម៉ោង១៦និង៣០នាទី។
សមត្ថកិច្ចនគរបាលខណ្ឌច្បារអំពៅ បានឱ្យដឹងនៅព្រឹកថ្ងៃចន្ទទី១៦ ខែមករា ឆ្នាំ២០២៣នេះថា៖ជនសង្ស័យឈ្មោះ ញិល ថា ភេទប្រុស អាយុ២១ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួល ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។
សមត្ថកិច្ចដកហូតវត្ថុតាង៖ ក្រាមពណ៌សថ្លា (សង្សយ័គ្រឿងញៀន) ២១កញ្ជប់ ( ២០ កញ្ជប់ថង់តូច-០១កញ្ជប់ថង់ធំល្មម)។ លទ្ធផលតេស្តទឹកនោមជនសង្ស័យ ៖ វិជ្ជមាន (មានសារធាតុញៀន)។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌច្បារអំពៅ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី ៕
ដោយ៖ អរុណរះ
