សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជាជាងភ្លេីងម្នាក់ត្រូវបានគេប្រទះឃេីញដេកស្លាប់ក្នុងរោងកម្មករស្នាក់នៅសង្ស័យខ្យល់គរបង្កការភ្ញាក់ផ្អេីលកាលពីវេលាម៉ោង៧និង៣០នាទីព្រឹកថ្ងៃទី១៧ ខែមករា ឆ្នាំ២០២៣ នៅក្នុងរោងកម្មករមួយកន្លែង ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។
សពជនរងគ្រោះឈ្មោះ គឹម ស្រៀង ភេទប្រុសអាយុជាង៣០ឆ្នាំ មុខរបរជាងភ្លេីង ស្នាក់នៅកន្លែងកេីតហេតុខាងលេី។
តាមប្រភពព័ត៌មានបានឱ្យដឹងថា មុនពេលកេីតហេតុអ្នករួមការងារជាមួយគ្នាឆ្ងល់មិនឃេីញទៅធ្វេីការក៏ចូលទៅហៅស្រាប់តែឃេីញដេកស្លាប់បាត់ទៅហេីយទេីបរាយការណ៍ទៅអាជ្ញាធរមូលដ្ឋានចុះមកពិនិត្យជាក់ស្តែង។
បេីតាមប្រភពព័ត៌មានអ្នកនៅជិតខាងបានឱ្យដឹងថា កាលពីល្ងាចថ្ងៃទី១៦ ខែមករាឆ្នាំ២០២៣ ជនរងគ្រោះបានអង្គុយហូបស្រាបៀរជាមួយអ្នកជិតខាងរួចក៏ចូលទៅសម្រាន្តបាត់ទៅលុះព្រឹកឡេីងក៏ប្រទះឃេីញដេកស្លាប់តែម្តង។
ក្រោយពីកោសល្យវិច័យរួចសពជនរងគ្រោះត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វេីបុណ្យតាមប្រពៃណី ៕
ដោយ៖សុខាសែនជ័យ
