🔴ចាំបាច់អីត្រូវ ! លោក​ ជា ហុង ប្រធាន​ស្ថានីយ​ថ្លឹង​រថយន្ត​នៅ​តាម​បណ្តោយ​ផ្លូវជាតិ​លេខ​២ ស្រុក​បាទី ខេត្តតាកែវ បង់ប្រាក់ឱ្យអ្នកសារព័ត៌មាន ១ខែៗ រាប់លានរៀល

ខេត្តតាកែវ ៖ យ៉ាងហោចណាស់ ក៏ក្នុង១ថ្ងៃ បង់២០មុឺនរៀល និង១ខែៗ បង់អស់ ៥លានរៀល ដែលលោក​ ជា ហុង ប្រធាន​ស្ថានីយ​ថ្លឹង​រថយន្ត​នៅ​តាម​បណ្តោយ​ផ្លូវជាតិ​លេខ​២ ស្រុក​បាទី ខេត្តតាកែវ បានបង់ប្រាក់ឱ្យអ្នកសារព័ត៌មាន ។ នេះបើយោងតាមការចុះផ្សាយពីសារព័ត៌មាន ក្នុងស្រុក ដកស្រង់ពីការត្អូញត្អែរ របស់ លោក​ ជា ហុង ប្រធាន​ស្ថានីយ​ថ្លឹង​រថយន្ត។ 

សូមជម្រាបថា, គេហទំព័រខ្លះបានផ្សាយថា, លោក​ជា ហុង ប្រធាន​ស្ថានីយ​ថ្លឹង​រថយន្ត​នៅ​តាម​បណ្តោយ​ផ្លូវជាតិ​លេខ​២ ស្រុក​បាទី ខេត្តតាកែវ បាន​រៀបរាប់​ប្រាប់​អ្នកកាសែត​ថា លោក​បាន​ចំណាយ​លុយ​ច្រើន​លាន​ណាស់​ក្នុង​១​ខែ​ៗ​សំរាប់​បិទ​មាត់​អ្នកកាសែត​។​

លោក​បានឱ្យ​ដឹង​ទៀត​ថា ក្នុង​១​ខែ​សំរាប់​អ្នកកាសែត​ត្រូវ​ចំណាយ​ជាង​៥​លាន​រៀល ហើយ​ក្នុង​១​ថ្ងៃ​ត្រូវ​ចំណាយ​២០​ម៉ឺន​រៀល​ជា​ប្រចាំ​ឱ្យទៅ​អ្នកកាសែត​ទៀត​។ ក្រោយ​បានឮ​សម្តី​លោក​ជា ហុង បែប​នេះ មហាជន​ឆ្ងល់​ថា ហេតុ​អី​បានជា​ស្ថានីយ​ថ្លឹង​រថយន្ត​ខាងលើ ត្រូវ​ចំណាយ​លុយ​ក្រាស់​ក្រែល​ដល់​ថ្នាក់​នេះ ឬ​ក៏​ស្ថានីយ​នេះ​មិន​ថ្លឹង​រថយន្ត បែរជា​ចាំ​ថ្លឹង​លុយ​យក​មក​ចែក​អ្នកកាសែត​ទៅ​វិញ​។

ដូច្នេះមានន័យថា, លោក​ ជា ហុង ប្រធាន​ស្ថានីយ​ថ្លឹង​រថយន្ត​នៅ​តាម​បណ្តោយ​ផ្លូវជាតិ​លេខ​២ ស្រុក​បាទី ខេត្តតាកែវ ដឹកនាំ មានភាពមិនប្រក្រតី ពុករលួយ មិនបានអនុវត្តតាម គោលការណ៍របស់ ក្រសួង សាធារណការនិងដឹកជញ្ជូន ដែលមាន លោក សេង ឈួន ទទួលបន្ទុកគ្រប់គ្រង ទើបហ៊ានចំណាយប្រាក់ ដើម្បី បិទបាំង អំពើពុករលួយ របស់ខ្លួន។ 

បើ​យោង​តាម​ប្រភព​ពី​ពលរដ្ឋ​បានឱ្យដឹង​ថា រាល់ថ្ងៃ​និង​រាល់​យប់​រថយន្ត​ដឹក​ទំនិញ​ឆ្លងកាត់​ស្ថានីយ​ថ្លឹង​រថយន្ត​មួយ​នេះ បាន​បង់លុយ​ឱ្យទៅ​អ្នក​ប្រចាំការ​គ្រប់​រថយន្ត​ទាំងអស់ ទោះ​លើស​ទម្ងន់ ឬ​មិន​លើស​ក៏​ដោយ គឺ​អត់​បាន​ថ្លឹង​ទេ និយាយឱ្យខ្លីស្រួលស្តាប់បគឺ ថ្លឹង​តែ​លុយ ។

ប្រភព​បាន​បន្ត​ទៀត​ថា បើ​រថយន្ត​ដឹក​ដី​ដឹក​ថ្ម ឬ​ដឹក​ខ្សាច់​មិនបាច់​ចូល​ថ្លឹង​ទេ គ្រាន់តែ​អែប​កៀន​រួច​រត់​យក​​លុយ​ទៅឱ្យខាង​មន្ត្រី​ស្ថានីយ​ថ្លឹង​រថយន្ត​ជា​ការ​ស្រេច បានជា​លុយ​ឱ្យ​អ្នកកាសែត​។ បញ្ហានេះដែល ចាត់ទុកថា លោក​ ជា ហុង ប្រធាន​ស្ថានីយ​ថ្លឹង​រថយន្ត​នៅ​តាម​បណ្តោយ​ផ្លូវជាតិ​លេខ​២ ស្រុក​បាទី ខេត្តតាកែវ មានចេតនា បំផ្លាញផ្លូវជាតិ បើមិនឱ្យរថយន្តដឹកលើសទម្ងន់ចូលថ្លឹង ? 

ពាក់​ព័​ន្ធករណី​ខាងលើ អ្នក​យក​ព័ត៌មាន​យើង​មិន​អាច​សុំ​ការ​បំភ្លឺ​ពី​លោក​ជា ហុង ប្រធាន​ស្ថានីយ​ថ្លឹង​រថយន្ត​បាន​ទេ​ដោយ​ទូរ​ស័ព្ទចូល​ជា​ច្រើន​ដង​តែ​គ្មាន​អ្នក​ទទួល ។

ចំណែក​លោក ​ណុ​ប នី ប្រធាន​មន្ទីរ​សាធារណៈការ​នឹង​ដឹក​ជញ្ជូន​ខេត្តតាកែវ ក៏​មិន​អាច​សុំ​ការ​បំភ្លឺ​បាន​នោះ​ដែរ ដោយ​ទូរ​ស័ព្ទ​ខ​ល​មិន​ចូល ។

សូមមេត្តា លោក សេង ឈួន ទទួលបន្ទុក គ្រប់គ្រងតាមស្ថានីយថ្លឹងរថយន្ត មេត្តាត្រួតពិនិត្យមើលផង ជៀសវាង លោក​ ជា ហុង ប្រធាន​ស្ថានីយ​ថ្លឹង​រថយន្ត​នៅ​តាម​បណ្តោយ​ផ្លូវជាតិ​លេខ​២ ស្រុក​បាទី ខេត្តតាកែវ គាត់បង់ប្រាក់ដែរ ដូចលោក ជា ហុង បង់ប្រាក់ដូចអ្នកសារព័ត៌មាន ? ។

តាមពិតក្នុងនាម ជាមន្ត្រីរាជការ រដ្ឋបាលមុខងារសាធារណៈ មិនគួរ លោក​ ជា ហុង ប្រធាន​ស្ថានីយ​ថ្លឹង​រថយន្ត​នៅ​តាម​បណ្តោយ​ផ្លូវជាតិ​លេខ​២ ស្រុក​បាទី ខេត្តតាកែវ ប្រើសម្ដីមាត់ អត់ គ្របទេ ! គឺបានបង្ហាញពី ការដឹកនាំរបស់ខ្លួន ពុករលួយទៅហើយ ៕

ដោយ ៖ សហការី