សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ក្រុមយុវជនសម័យតេជោ ប្រកបដោយធនធានមនុស្ស ផ្សារភ្ជាប់ ជាមួយសីលធម៌ សុជីវធម៌ កាយវិការដ៏សមរម្យបំផុតសម្រាប់តម្លៃខ្លួនឯងលើការប្រណិប័តន៍ចំពោះអ្នកមានគុណ បង្ហាញឲ្យសាធារណជនបានឃើញថាខ្មែរ មានវប្បធម៌ល្អផូរផង់ ។
សង្ឃឹមថាប្អូនៗជាគ្រឹះដ៏រឹងមាំសម្រាប់ចូលរួមការពារសន្តិសុខ សណ្តាប់ធ្នាប់ និងសន្តិភាពជូនជាតិ មាតិភូមិ និងប្រជាជន ក្រោយចប់ការហ្វឹកហាត់។
ឪពុកម្ដាយ អាណាព្យាបាល សាច់ញាតិ បងប្អូនបានជូនដំណើរយោធិនកងរាជអាវុធហត្ថដែលបានជាប់ជាស្ថាពរ ទៅសាលាហ្វឹកហាត់ រៀនសូត្រ ក្រេបយកចំណេះដឹង មុខជំនាញ វិធីសាស្ត្រ យុទ្ធសាស្ត្រកងទ័ព វិន័យ សីលធម៌ ដើម្បីបម្រើជាតិ បម្រើប្រជាពលរដ្ឋដោយគ្មានលក្ខខណ្ឌ។
សូមជូនពរដល់យោធិនអាវុធហត្ថថ្មីទូទាំងប្រទេសដែលបានប្រឡងជាប់ ទទួលបានសុខភាពល្អ សំណាងល្អ និងជោគជ័យគ្រប់ៗគ្នា!
ប្រជាពលរដ្ឋមួយរូបបានលើកឡើងថា, ខ្ញុំក៏មានប្អូនប្រុសម្នាក់ជាប់ជាអាវុធហត្ថថ្មីដែរនៅខេត្តកំពង់ឆ្នាំង ក្រោយចូលរួមប្រឡងប្រជែងទាំងកាយសម្បទា និងទ្រឹស្តី ដោយមិនចំណាយលុយមួយកាក់មួយសេនណាឡើយ។
សូមបញ្ជាក់ថា យោធិនកងរាជអាវុធហត្ថ ដែលបានប្រឡងជាប់ជាស្ថាពរនៅតាមបណ្ដារាជធានីខេត្ត សុទ្ធតែមានសមត្ថភាពគ្រប់គ្រាន់ដែលពួកគាត់នឹងក្លាយទៅជាសសរទ្រូងនៃប្រទេសជាតិ ជាទំពាំងស្នងឬស្សី ៕
ដោយ ៖ សិលា
