សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសវ័យចំណាស់ម្នាក់បេីករថយន្តកូរ៉ូឡាជ្រុលទៅបុករថយន្តព្រូសពីក្រោយបណ្តាលឱ្យរងការខូចខាតទាំងសងខាង កាលពីវេលាម៉ោង២រសៀល ថ្ងៃទី២៤ ខែមេសា ឆ្នាំ២០២៣ នៅចំណុចភ្លើងស្តុបតាកន តាមបណ្តោយមហាវិថីសហព័ន្ធរុស្ស៊ី ស្ថិតក្នុងភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសជនជាតិចិនម្នាក់បេីកបររថយន្តម៉ាកព្រូសពណ៌ទឹកប្រាក់ ពាក់ស្លាកលេខភ្នំពេញ2AU-1848 ធ្វេីដំណេីរតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីលិចទៅកេីត ខណៈមកដល់ចំណុចកេីតហេតុបានបន្ថយល្បឿនព្រោះភ្លើងស្តុបពណ៌ក្រហម ភ្លាមនោះស្រាប់តែមានបុរសវ័យចំណាស់ម្នាក់បេីករថយន្តម៉ាកកូរ៉ូឡា ពណ៌ទឹកប្រាក់ ពាក់ស្លាកលេខកំពង់ស្ពឺ2A-7605 ធ្វេីដំណេីរមកពីក្រោយបានជ្រុលទៅបុកពេញទំហឹងបណ្តាលឱ្យរងការខូចខាតទាំងសងខាងតែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុធ្វេីការសម្របសម្រួលដោយភាគីខាងរថយន្តកូរ៉ូឡាព្រមសងថ្លៃជួសជុលចំនួន២៥០ដុល្លារដេីម្បីបញ្ចប់រឿងនៅកន្លែងកេីតហេតុ៕
ដោយ៖សុខាសែនជ័យ
