សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សូមចូលរួមរំលែកទុក្ខ ដល់កីឡាករបាល់ទះកម្ពុជា ឈាង ភារ័ត្ន ដែលបានបាត់បង់អ្នកមានគុណម្នាក់ មុនពេលប្រកួតជាមួយក្រុមជម្រើសជាតិថៃ និងសូមលើកទឹកចិត្ដដល់កីឡាករ ឈាង ភារ័ត្ន ក៏ដូចជាកីឡាករបាល់ទះកម្ពុជាទាំងអស់ ដែលបានប្រឹងប្រែងប្រកួតរហូតទទួលបានជ័យជម្នះ និងជូនពរឱ្យជោគជ័យក្នុងការប្រកួតបន្ដទៀត។ នេះជាលើកឡើងពី ក្រសួងអប់រំយុវជននិងកីឡា នៅរសៀលថ្ងៃទី៨ ខែឧសភា ឆ្នាំ២០២៣ ។
សូមបញ្ជាក់ថា : ប្រជាពលរដ្ឋខ្មែរ រាប់ម៉ឺន រាប់លាននាក់ បង្ហាញនូវអារម្មណ៍អស់ក្តីសង្ឃឹមយ៉ាងខ្លាំង បន្ទាប់ពីកីឡាបាល់ទះកម្ពុជា ប្រកួតចាញ់ផ្ទួនៗពីសិ៊តដំបូងពី កីឡាបាល់ទះថៃ ! ប៉ុន្តែ ភាពតស៊ូ ស្មារតីរឹងមាំ សហការសាមគ្គីទៅក្នុង ជាកម្លាំងចិត្ត ធ្វើឱ្យកីឡាបាល់ទះកម្ពុជា យកជ័យជំនះលើគូប្រកួត ឡើងវិញប្រកបដោយមោទនភាព បង្ហាញពីស្នាមញញឹម ទង់ជាតិកម្ពុជា បានបក់ ឡើង យ៉ាងព្រោងព្រាត ពេញទីលានប្រកួត , ក្នុងនោះសូម្បីតែ នាយឧត្តមសេនីយ៍នេត សាវឿន អគ្គស្នងការនគរបាលជាតិ បង្ហាញនូវស្នាមញញឹម បន្ទាប់ពីកីឡាបាល់ទះកម្ពុជា អាចធ្វើបាន យកជ័យជំនះបាន ឈានដល់វគ្គផ្ដាច់ព្រ័ត្រ សាងប្រវត្តិសាស្រ្តក្នុងសម័យតេជោ។
នៅលើ ផេកផ្លូវការ នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានបង្ហោះថា, អបអរសាទរ ក្រុមកីឡាបាល់ទះជម្រើសជាតិកម្ពុជា!
ក្នុងនាមប្រធានសហព័ន្ធកីឡាបាល់ទះកម្ពុជា ខ្ញុំសូមអបអរសាទរក្រុមកីឡាបាល់ទះជម្រើសជាតិកម្ពុជា ផ្នែកបុរសដែលបានបំបែកកំណត់ត្រាឡើងទៅដល់វគ្គផ្ដាច់ព្រ័ត្រជាលើកដំបូងក្នុងប្រវត្តិសាស្ត្រ ក្រោយទទួលបានជ័យជម្នះលើក្រុមជម្រើសជាតិថៃ ក្នុងលទ្ធផលថៃ ២ – ៣ កម្ពុជា នៅពហុកីឡដ្ឋានជាតិអូឡាំពិក។
នាយឧត្តមសេនីយ៍ បានបន្តថា , ខ្ញុំ សូមជូនពរដល់ក្រុមកីឡាបាល់ទះជម្រើសជាតិកម្ពុជា ដណ្តើមបានមេដាយមាស នៅប្រកួតក្រោយ ក្នុងព្រឹត្តិការណ៍ស៊ីហ្គេម លើកទី ៣២ ៕
ដោយ ៖ សហការី
