សារព័ត៌មាន នគរវត្ត តែងតែនាំមុខគេជានិច្ច
សារព័ត៌មាន Reuters នៅថ្ងៃអាទិត្យ ទី១៤ ខែឧសភា ឆ្នាំ២០២៣ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី នៅថ្ងៃសៅរ៍ចុងសប្ដាហ៍នេះ បានស្នើសុំទៅសម្ដេច ប៉ាប ហ្រ្វង់ ស៊ីស (Pope Francis) ឱ្យគាំទ្រដល់ផែនការសន្តិភាពរបស់អ៊ុយក្រែន និងជួយដល់ការធ្វើមាតុភូមិនិវត្តកុមារអ៊ុយក្រែន ភៀសខ្លួនទៅកាន់រុស្ស៉ី។កាលពីថ្ងៃសៅរ៍ នៅមុនជំនួបជាមួយសម្ដេចប៉ាប លោក ហ្សេលេនស្គី ក៏បានជួបពិភាក្សាការងារផងដែរ ជាមួយនាយករដ្ឋមន្ត្រីអ៉ីតាលី លោកស្រី Giorgia Meloni ដែល បានសន្យាផ្ដល់ការគាំទ្រពេញទំហឹង និងហិរញ្ញវត្ថុដល់អ៊ុយក្រែន ក៏ដូចជាសមាជិកភាពរបស់អ៊ុយក្រែនក្នុងសហភាពអឺរ៉ុប។ ដោយឡែក ក្នុងជំនួបរយៈពេល ៤០នាទី លោក ហ្សេលេនស្គី និងសម្ដេចប៉ាប បានជជែកពីកាយវិការមនុស្សធម៌ ហើយបើតាមប្រភពពីបុរីវ៉ាទីកង់ សម្ដេចប៉ាបបានបង្ហាញឆន្ទៈជួយដល់ការធ្វើមាតុភូមិនិវត្ត កុមារអ៊ុយក្រែន។
ទីក្រុងកៀវ បានវាយតម្លៃថាកុមារអ៊ុយក្រែនជិត ១៩,៥០០នាក់ ត្រូវបានភៀសខ្លួនទៅកាន់ប្រទេសរុស្ស៉ី ឬទៅកាន់តំបន់គ្រីមៀ ចាប់តាំងពីសង្រ្គាមផ្ទុះឡើង កាលពីខែកុម្ភៈ ឆ្នាំ២០២២មក៕ដោយ៖ ធីរីណា
រូបថត ៖ Vatical News
