រថយន្តដឹកឈើមួយគ្រឿងម៉ាកហាយឡេនឌ័រគេចពីសមត្ថកិច្ចស្រាប់តែមកជាប់អន្ទាក់កម្លាំងស្នាក់ការសន្តិសុខ ៧១០

ខេត្តក្រចេះ ៖ កម្លាំងស្នាក់ការសន្តិសុខ ៧១០ដឹកនាំដោយលោកអនុសេនីយ៍ឯក ស្រី ស៊ីនា សហការជាមួយកម្លាំងរដ្ឋបាលលោក កែវ ចំណាន នាយសង្កាត់អូរគ្រៀង បង្ក្រាបបានរថយន្តដឹកឈើមួយគ្រឿងចាត់ការតាមច្បាប់ព្រៃឈើ។

ការចុះបង្ក្រាបនេះកម្លាំងស្នាក់ការសន្តិសុខ ៧១០ធ្វើឡើងនៅវេលាម៉ោង ២០៖២៤ នាទីយប់ថ្ងៃទី ១៨ ខែឧសភាឆ្នាំ ២០២៣ត្រង់ចំណុចU T M(៦២៣០៦៨  ១៤៣៧៩០៦)ផ្លូវចូលរោងចក្រកិនថ្មនៅក្នុងភូមិអូរគ្រៀង ឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះ។

ហើយបទល្មើសធនធានធម្មជាតិព្រៃឈើដោយខុសច្បាប់នេះ សមត្ថកិច្ចបានតាមប្រមាញ់ហើយបង្ក្រាបនឹងរឹបអូសបានរថយន្តមួយគ្រឿងម៉ាកហាយឡេនឌ័រពណ៌សពាក់ស្លាកលេខភ្នំពេញ2AP.2163 ក្នុងការបង្ក្រាបអ្នកបើកបរគេចខ្លួនបាត់ភ្លាមៗដែរ។

បច្ចុប្បន្ន កម្លាំងសមត្ថកិច្ចបានរឹបអូសរថយន្តនិងឈើអា ប្រណិត(តាត្រាវ)សរុបចំនួន០៧ ដុំស្មើ១.១៥០ម៉ែត្រីគុណ  យកមករក្សាទុកនៅសង្កាត់រដ្ឋបាលព្រៃឈើអូរគ្រៀង ដើម្បីចាត់ការតាមនីតិវិធី។

ដោយ ៖ ជីវ័ន្ត