សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ ក្មេងប្រុសម្នាក់អាយុប្រហែល ៥ឆ្នាំ បានស្លាក់គ្រាប់មៀនចូលបំពង់ខ្យល់បណ្ដាលឱ្យស្លាប់ពេលបញ្ជូនមកដល់មន្ទីរពេទ្យបង្អែកខេត្តតាកែវ ។
ហេតុការណ៍នេះបានកើតឡើងកាលពីវេលាម៉ោង ៩ព្រឹកថ្ងៃទី២០ ខែឧសភា ឆ្នាំ២០២៣ ក្នុងភូមិឡូរី សង្កាត់រកាក្នុង ក្រុងដូនកែវ ខេត្តតាកែវ។
តាមការឱ្យដឹងពីបងប្អូនជិតខាងបានបញ្ជាក់ថា ក្មេងប្រុសម្នាក់នោះរត់លេងសុខៗ ស្រាប់តែទៅយកផ្លែមៀនដែលជីដូនបានសែនកាលពីម្សិលមិញ( ថ្ងៃសីល)យកមកហូបក៏បានស្លាកភ្លាមៗតែម្ដង។
បន្ទាប់មកក្រុមគ្រួសារបានបញ្ជូនទៅមន្ទីរពេទ្យបង្អែកខេត្តតាកែវតែដោយអកុសលក្មេងរងគ្រោះបានស្លាប់បាត់ទៅហេីយ។
នេះក៏ជាសារដាស់តឿនមួយដល់ឪពុកម្តាយ ឬអាណាព្យាបាលក្មេងៗ សូមបងប្អូនមានការប្រុងប្រយ័ត្នចំពោះក្មេងតូចៗ ចំពោះការហូបចំណីចំណុក វាអាចបង្កគ្រោះថ្នាក់ជាយថាហេតុណាមួយ ដែលបានកើតឡើងដោយចៃដន្យ ដូចក្មួយប្រុសខាងលើនេះ ធ្វើអោយឱ្យអាណាព្យាបាលមានវិប្បដិសារី៕
ដោយ៖សុខាសែនជ័យ
