សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងអធិការដ្ឋាននគរបាលខណ្ឌពោធិ៍សែនជ័យសហការជាមួយកម្លាំងរដ្ឋបាលសង្កាត់ចោមចៅទី៣ចុះរដ្ឋបាលតំបន់ដែលស្មុគស្មាញឃាត់ខ្លួនជនសង្ស័យ៧នាក់សង្ស័យពាក់ព័ន្ធបទល្មេីសផ្សេងៗ។
ប្រតិបត្តិការនេះបានធ្វេីឡេីង កាលពីវេលាម៉ោង៩ព្រឹក ថ្ងៃទី២៥ ខែឧសភា ឆ្នាំ២០២៣ នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
តាមសមត្ថកិច្ចបានឱ្យដឹងថា ដេីម្បីសុវត្តិភាពបងប្អូនប្រជាពលរដ្ឋក្នុងមូលដ្ឋានចៀសវាងកេីតមានបទល្មេីសលួចឆក់ ប្លន់ទេីបកម្លាំងអធិការនគរបាលខណ្ឌពោធិ៍សែនជ័យបានសហការជាមួយកម្លាំងរដ្ឋបាលសង្កាត់ចោមចៅទី៣ ចុះធ្វេីរដ្ឋបាលក្នុងភូមិតំបន់ដែលស្មុកស្មាញតាមបន្ទប់ជួលឃាត់ខ្លួនជនសង្ស័យប្រុសស្រីចំនួន៧នាក់និងដកហូតសម្ភារៈប្រើប្រាស់គ្រឿងញៀន ឧបករណ៍កាច់សោរ កម៉ូតូ និងម៉ូតូគ្មានស្លាកលេខមួយគ្រឿង។
ជនសង្ស័យក្រោយឃាត់ខ្លួនត្រូវបានសមត្ថកិច្ចបញ្ជូនទៅអធិការនគរបាលខណ្ឌពោធិ៍សែនជ័យដេីម្បីចាត់ការតាមនីតិវិធី៕
ដោយ៖ សុខាសែនជ័យ
