សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ កម្លាំងនគរបាលស្រុកមោងឫស្សី បានចុះស្រាវជ្រាវបង្រ្កាបករណីគ្រឿងញៀនមួយករណីក្នុងមូលដ្ឋានដោយឃាត់ខ្លួនបុរសម្នាក់ យកមកសាកសួរដេីម្បីចាត់ការតាមច្បាប់។
បើតាមការបញ្ជាក់ពីលោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានឱ្យដឹងនៅថ្ងៃទី០៩ ខែមិថុនា ឆ្នាំ២០២៣នេះថា៖ កាលពីព្រលប់ថ្ងៃទី០៨ ខែមិថុនាម្សិលមិញនេះ ស្ថិតនៅចំណុចក្រុមទី០៤ ភូមិអំពិលឈូង ឃុំប្ញស្សីក្រាំង ស្រុកមោងឫស្សី ខេត្តបាត់ដំបង លោកបានដឹកនាំកម្លាំងផ្នែកប្រឆាំងគ្រឿងញៀន ចុះប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែងដែល ក្នុងកិច្ចប្រតិបត្តិការ នេះសមត្ថកិច្ចចាប់ឃាត់ខ្លួនជនសង្ស័យបានចំនួន០១នាក់ឈ្មោះ មាស ខ្វិច ភេទប្រុស អាយុ៣០ឆ្នាំ មានទីលំនៅភូមិអំពិលឈូង ឃុំប្ញស្សីក្រាំង ស្រុកមោងឫស្សី ខេត្តបាត់ដំបង។
ចំណែកវត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងកូនថង់ប្លាស្ទិចពណ៍សថ្លាចំនួន០១ថង់ទម្ងន់១.៣៣ក្រាម ទាំងសំបក សង្ស័យមានសារធាតុញៀន
-ទូរស័ព្ទដៃចំនួន ០១គ្រឿង។
បច្ចុប្បន្នជនសង្ស័យត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកមោងឫស្សីដើម្បីកសាងសំណុំរឿងបញ្ជូនមកផែនជំ នាញអនុវត្តតាមនីតិវិធីច្បាប់៕
ដោយ៖ សហការី
