សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារសៀលថ្ងៃទី១៤ ខែមិថុនា ឆ្នាំ២០២៣ គណ:កម្មការបច្ចេកទេសរដ្ឋសភាកម្ពុជា ដែលដឹកនាំដោយ លោក សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា បានអញ្ជើញចូលរួមកិច្ចប្រជុំពិនិត្យពិភាក្សាលើរបៀបវារ:រៀបចំកិច្ចប្រជុំកំពូលសភា កម្ពុជា -ឡាវ និងវៀតណាម តាមរយ:ប្រព័ន្ធវីដេអូនិម្មិត (video zoom) ដែលតភ្ជាប់ពីវិមានរដ្ឋសភា នៃព្រះរាជាណាចក្រកម្ពុជា ទៅកាន់រដ្ឋសភា នៃសាធារណ:រដ្ឋប្រជាធិបតេយ្យឡាវ។
កិច្ចប្រជុំនេះមានការអញ្ជើញចូលរួមពីសំណាក់លោកច័ន្ទ សុផល អនុប្រធានគណ:កម្មការមហាផ្ទៃ ការពារជាតិ និងមុខងារសាធារណ: នៃរដ្ឋសភាលោកទី សុគន្ធ លេខាធិការគណ:កម្មការទី៥នៃរដ្ឋសភា លោកស្រី កុល ធារិន សមាជិកាគណ:កម្មការទី២ នៃរដ្ឋសភាលោកព្រហ្ម វិរ: អគ្គនាយកទំនាក់ទំងអន្តរជាតិ ពិធីការ និងព័ត៌មានលោមហ៊ាង ធុល ប្រធាននាយកដ្ឋានទំនាក់ ទំនងអន្តរជាតិ ព្រមទាំង លោក លោកស្រី ជាមន្ត្រីបច្ចេកទេសមួយចំនួនផងដែរ ៕
ដោយ៖ សូរិយា
