សមត្ថកិច្ចខេត្តសៀមរាបបញ្ជូនខ្លួនជនសង្ស័យចំនួន ០១នាក់ ពាក់ព័ន្ធនឹងករណីឆបោក ទៅសាលាដំបូងខេត្តសៀមរាប

ខេត្តសៀមរាប ៖ ស្នងការដ្ឋាន នគរបាលខេត្ត នាថ្ងៃទី១៧ ខែមិថុនា ឆ្នាំ២០២៣ បានបញ្ជាក់អោយដឹងថា : នៅថ្ងៃទី១៥ ខែមិថុនា ឆ្នាំ២០២៣ វេលាម៉ោង ១៥និង០០នាទី មានករណី ឆបោក នៅចំណុចចំណតរថយន្ត មុខប្រាសាទអង្គរវត្ត ស្ថិតក្នុងភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប ជនសង្ស័យ ឈ្មោះ ឡេវ ទេវ ភេទប្រុស អាយុ ៤១ឆ្នាំ ជនជាតិវៀតណាម ស្នាក់នៅភូមិវត្តស្វាយ សង្កាត់សាលាកំរើក ក្រុងសៀមរាប ខេត្តសៀមរាប (និងបក្ខពួក) បានប្រាប់ទៅជនរងគ្រោះឈ្មោះ ស៊ិន សូភី ភេទប្រុស អាយុ ៤៨ឆ្នាំ ទីលំនៅភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប ថារូបគេស្គាល់អ្នករកស៊ីនៅប្រទេសថៃមានប្រាក់ដុល្លារជាច្រើន គេត្រូវការយកប្រាក់នោះមកប្តូរប្រាក់បាត ដោយមានប្រាក់ចំនួន ៥០.០០០$ (ប្រាំមុឺនដុល្លារអាមេរិក) យកមកប្តូរប្រាក់បាតចំនួន ១.២០៥.០០០B (មួយលានពីរសែនប្រាំពាន់បាត) ដោយយល់ឃើញថាចំណេញខ្ពស់បែបនេះ ជនរងគ្រោះក៏បានយកប្រាក់ដុល្លារបស់ខ្លួនចំនួន ៣៦.០៥៤$ (បីមុឺនប្រាំមួយពាន់ហាសិបបួនដុល្លារអាមេរិក) ទៅដូរយកប្រាក់ បាតបានចំនួន ១.២០៥.០០០B (មួយលានពីរសែនប្រាំពាន់បាត) លុះដល់វេលាម៉ោងកើតហេតុខាងលើ ជនសង្ស័យបាននាំជនរងគ្រោះទៅជួបភាគីម្ចាស់ ប្រាក់ដុល្លារ ដែលមានជនជាតិថៃ ០១នាក់ និងជនជាតិខ្មែរ ០២នាក់ ពេលនោះពួកគេក៏បានប្ដូរកញ្ចប់ប្រាក់គ្នា ហើយក្រុមជនសង្ស័យ បានលួចប្តូរកញ្ចប់ប្រាក់ដុល្លារក្លែងក្លាយឲ្យមកជនរងគ្រោះ និងបានជិះរថយន្តគេចខ្លួនបាត់ ហើយជនរងគ្រោះក៏បានបើកកញ្ចប់ ប្រាក់នោះមើលម្តងទៀត ទើបដឹងថាជាប្រាក់ដុល្លារក្លែងក្លាយ (កញ្ចប់ប្រាក់ត្រូវបានគេលួចប្តូរ) ហើយក៏បានឃាត់ជនសង្ស័យ ឈ្មោះ ឡេវ ទេវ ប្រគល់ជូនសមត្ថកិច្ចតែម្ដង។

វត្ថុតាងចាប់យករួមមាន ៖ ក្រដាសប្រាក់ដុល្លារក្លែងក្លាយ ប្រភេទក្រដាស ១០០ដុល្លារ ចំនួន ១០.១៥០.០០០សន្លឹក កាតធនាគារវីងចំនួន០១ និងទូរស័ព្ទចំនួន ០១គ្រឿង។

ជនសង្ស័យព្រមទាំងវត្ថុតាង ត្រូវបានកម្លាំងការិយាល័យជំនាញកសាងសំណុំរឿង បញ្ជូនទៅសាលាដំបូងខេត្តសៀមរាប ៕

ដោយ : សហការី