សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល ៖ ប្តីប្រពន្ធ២នាក់រងរបួសធ្ងន់ ខណ:បើកម៉ូតូមិនប្រយ័ត្នបុកជាមួយរថយន្តពេញទំហឹង នៅថ្ងៃទី១៩ ខែមិថុនា ឆ្នាំ២០២៣ វេលាម៉ោង៤និង២០នាទីទាបភ្លឺនៅចំណុចភូមិក្នុង ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ។
មន្ត្រីនគរបាលស្រុលខ្សាច់កណ្ដាលបានឲ្យដឹងថា ជនរងគ្រោះរបួសធ្ងន់មាន២នាក់ ទី១۔ឈ្មោះ តុន ដារ័ត្នភេទប្រុស អាយុ២០ឆ្នាំ រស់នៅភូមិផ្ទះកណ្តាល ឃុំផ្ទះកណ្តាល ស្រុកស្រីសន្ធរ ខេត្តកំពុងចាម បើកបរម៉ូតូម៉ាក ហុងដាZoomer x ពណ៌សក្រហម ពាក់ផ្លាកលេខក្រចេះ1C-8353 ។ទី២۔ឈ្មោះ ខុន សុខឃាន់ ភេទស្រី អាយុ១៩ឆ្នាំ រស់នៅភូមិឃុំជាមួយគ្នា ជនរងគ្រោះទាំង២នាក់ ត្រូវជាប្តីប្រពន្ធនឹងគ្នា។
ចំណែកភាគីខាងរថយន្ដ មិនស្គាល់អត្តសញ្ញាណ បើករថយន្តរត់គេចបាត់ស្រមោល ។
ប្រភពដដែលបន្តថា នៅថ្ងៃវេលាកើតហេតុ គេបានឃើញម៉ូតូមួយគ្រឿងខាងលើ ធ្វើដំណើរតាមបណ្ដោយផ្លូវ ក្នុងទិសដៅពីជើងទៅត្បូង លុះមកដល់ចំណុចកើតហេតុ ម៉ូតូខាងលើបានបុកជាមួយរថយន្តជិះស្របទិសគ្នា បណ្ដាលឲ្យជនរងគ្រោះទាំង២នាក់ប្តីប្រពន្ធរងរបួសធ្ងន់ ។ ចំណែកភាគីខាងរថយន្តបានបើករថយន្តគេចបាត់ស្រមោល។
ក្រោយពីមានហេតុការណ៍កើតឡើង កម្លាំងជំនាញចរាចរណ៍ស្រុក បានចុះដល់កន្លែងកើតហេតុ រួចហៅរថយន្តសាមុយដឹកជនរងគ្រោះទាំង២នាក់ទៅសង្រ្គោះបន្ទាន់នៅមន្ទីរពេទ្យបង្អែកស្រុក រីឯមធ្យោបាយពាក់ព័ន្ធ ត្រូវបានសមត្ថកិច្ចធ្វើការវាស់វែង រួចកសាងឯកសារដកហូតយកមករក្សាទុកអធិការដ្ឋាននគរបាលស្រុក ដើម្បីចាត់ការតាមនីតិវិធី។
តាមការសន្និដ្ឋានរបស់សមត្ថកិច្ចជំនាញ ករណីនេះ បណ្តាលមកពីអ្នកបើកបរម៉ូតូពាក់ស្លាកលេខខាងលើបើកបរខ្វះការប្រុងប្រយ័ត្ន ៕
ដោយ៖ ស្អាង ជ័យ
