សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជាជាងផ្សារដែកខណៈឡេីងលេីរន្ទាដេីម្បីសាងសង់ឃ្លាំងមួយកន្លែងក៏រអិលជេីងធ្លាក់ចុះមកក្រោមបណ្តាលឱ្យរងរបួសធ្ងន់ត្រូវបានរថយន្តសង្គ្រោះរបស់អង្គភាព៧១១ ដឹកយកទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង៨និង៣០នាទីព្រឹកថ្ងៃទី២៣ ខែមិថុនា ឆ្នាំ២០២៣ នៅភូមិព្រៃព្រីងត្បូង១ សង្កាត់ចោមចៅ២ ខណ្ឌពោធិ៍សែនជ័យ ។
តាមប្រភពព័ត៌មានបានឱ្យដឹងថា មុនពេលកេីតហេតុជនរងគ្រោះបានដាក់រន្ទាដេីម្បីឡេីងផ្សារដែកសាងសង់ឃ្លាំងមួយកន្លែង ហើយពេលកំពុងធ្វេីការស្រាប់តែរអិលជេីងធ្លាក់ចុះមកក្រោមដែលមានកម្ពស់៤ម៉ែត្របណ្តាលឱ្យរងរបួសធ្ងន់ ។
ជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ដេីម្បីសង្គ្រោះ៕
ដោយ៖សុខាសែនជ័យ
