សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ យ៉ាងហោចណាស់ក៏មានមនុស្សម្នាក់ស្លាប់និង៨នាក់ទៀតរងរបួសធ្ងន់ស្រាលបន្ទាប់ពីបេីករថយន្តចុះចំណោតជ្រុលទៅបុកគាបជាប់ដេីមឈេីហើយសំណាងដែរដែលមិនធ្លាក់ចូលជ្រោះ។
ហេតុការណ៍នេះបានកេីតឡេីងកាលពីវេលាម៉ោង១១:៣០នាទីព្រឹក ថ្ងៃទី២៤ ខែមិថុនា ឆ្នាំ២០២៣ នៅផ្លូវបេតុងវត្តលើ ត្រង់ចំណុចចំណោតវត្តលើ ស្ថិតក្នុង ភូមិ២ សង្កាត់លេខ៣ ក្រុង/ខេត្តព្រះសីហនុ ។
តាមប្រភពព័ត៌មានបានឱ្យដឹងថា មុនពេលកេីតហេតុរថយន្តកូរ៉េមួយគ្រឿង ម៉ាក HYUNDAI ពណ៍ខៀវ ពាក់ស្លាកលេខព្រះសីហនុ2A-1674 បើកបរដោយឈ្មោះ ហុឹម លាងហ៊ត ភេទប្រុស អាយុ២៧ឆ្នាំ បច្ចុប្បន្នស្នាក់នៅភូមិព្រែកគយ ស្រុកស្អាង ខេត្តកណ្ដាល បានបេីករថយន្តចុះពីលេីភ្នំ(វត្តលេី)ធ្វេីដំណេីរក្នុងទិសដៅពីជើងទៅត្បូង លុះមកដល់ចំណុចកេីតហេតុខាងលេីបានចុះចំណោតក៏រេចង្កូតទៅខាងស្ដាំធ្លាក់ផ្លូវទៅបុកដើមឈើបណ្ដោលឱ្យរងរបួសមនុស្សចំនួន០៨នាក់ ស្លាប់ចំនួន០១នាក់។
ក្រោយកេីតហេតុក្រុមសង្គ្រោះ៧១១បានចុះទៅដល់កន្លែងកេីតហេតុនិងជួយគាស់កាត់យកជនរងគ្រោះចេញដឹកយកទៅមន្ទីរពេទ្យ៕
ដោយ៖ សុខាសែនជ័យ
