សារព័ត៌មាន នគរវត្ត តែងតែនាំមុខគេជានិច្ច
ក្លិបមាន់ខ្នាយមាស Tottenham បានចុះហត្ថលេខាលើខ្សែបម្រើសញ្ជាតិអង់គ្លេស James Maddison ក្នុងកិច្ចសន្យារយៈពេល៥ឆ្នាំក្នុងតម្លៃ៤០លានផោនលានពី Leicester City។ កីឡាករវ័យ២៦ឆ្នាំរូបនេះបានបង្ហាញខ្លួនក្នុងប្រកួតចំនួន៣ដងសម្រាប់ក្រុមអង់គ្លេស និងបានជួយក្រុម Leicesterលើកពាន FA Cup ជាលើកដំបូងក្នុងប្រវត្តិសាស្ត្ររបស់ពួកគេកាលពីឆ្នាំ២០២១។
គាត់បានបង្ហាញខ្លួន២០៣ប្រកួតឱ្យ Leicester បន្ទាប់ពីផ្ទេរពី Norwich ក្នុងឆ្នាំ២០១៨ ក្នុងតម្លៃខ្លួនប្រហែល២០លានផោន។ Maddison ស៊ុតបញ្ចូលទីបាន១០គ្រាប់នៅ Premier League កាលពីរដូវកាលមុន ប៉ុន្តែមិនអាចជួយក្លិបបានទេ ដោយបានធ្លាក់ទៅការកាត់ចោលទៅលេងនៅក្របខ័ណ្ឌ Championship រដូវកាលក្រោយនេះ។
Maddison កើតនៅ Coventry ស៊ុតបញ្ចូលទីបាន៥៥គ្រាប់ និងផ្តល់ជំនួយ៤១ដងសម្រាប់ Leicester ហើយទម្រង់លេងរបស់គាត់នឹងក្លាយជាការបន្ថែមស្វាគមន៍ចំពោះក្រុម Spurs ដែលខ្វះកីឡាករលំដាប់កំពូលចាប់តាំងពីការចាកចេញរបស់ Christian Eriksen ក្នុងឆ្នាំ២០២០។ជាមួយគ្នានេះក្លិបសារិកាព្រៃ Newcastle ក៏ធ្លាប់បានព្យាយាមចុះហត្ថលេខាលើ Maddison ប៉ុន្តែហាក់ដូចជាបានបង្វែរចំណាប់អារម្មណ៍របស់ពួកគេទៅ Sandro Tonali របស់ AC Milan នៅរដូវក្តៅនេះ។
Tottenham បានចុះហត្ថលេខាលើអ្នកចាំទីអ៊ីតាលី Guglielmo Vicario ពីក្រុម Empoli របស់ Serie A កាលពីថ្ងៃអង្គារ ហើយបានធ្វើឱ្យខ្សែបម្រើស៊ុយអែត Dejan Kulusevski ផ្ទេរពី Juventus ជាអចិន្ត្រៃយ៍ចាប់តាំងពីការមកដល់របស់អ្នកចាត់ការថ្មីលោក Ange Postecoglou។
Spurs នឹងចង់រក្សាខ្សែប្រយុទ្ធអង់គ្លេស Harry Kane ដោយក្លិប Bayern Munich នឹងដាក់សំណើបន្ថែមសម្រាប់កីឡាករវ័យ២៩ឆ្នាំរូបនេះ។ កាលពីថ្ងៃពុធមានរបាយការណ៍ថា Bayern បានដេញថ្លៃ៧០លានផោនសម្រាប់ប្រធានក្រុមអង់គ្លេស ប៉ុន្តែប្រភព Tottenham បានបដិសេធថាវាមិនបានទទួលទេ។ ទន្ទឹមនឹងនេះដែរខ្សែបម្រើ Harry Winks របស់ Spurs ទំនងជាមិនចូលរួមជាមួយ Maddison ទេ ដែល Winks ខិតទៅជិតការផ្ទេរទៅ Leicester ក្នុងតម្លៃ១០លានផោន។
Maddison ក្លាយជាផ្នែកមួយនៃការចាកចេញពី Leicester បន្ទាប់ពីត្រូវកាត់ចោលទៅកាន់ក្របខ័ណ្ឌ Championship ដោយ Youri Tielemans បានយល់ព្រមរួចហើយក្នុងការចូលរួមជាមួយ Aston Villa ក្នុងការផ្ទេរដោយមិនមានតម្លៃខ្លួន។ ក្រុម Leicester នឹងត្រូវប្រឈមមុខជាមួយគូប្រជែងក្នុងស្រុក Coventry ក្នុងការប្រកួតបើកឆាកនៃរដូវកាលក្រោយ២០២៣-២០២៤ នៅ Championship ៕
ដោយ៖ ភារៈ(រូបភាព ៖ BBC Sport)
