សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សិស្សសាលាម្នាក់បានស្លាប់ភ្លាមៗនៅនឹងកន្លែងកេីតហេតុខណៈជិះម៉ូតូហេីយត្រូវបានរថយន្តក្រុមហ៊ុនខារ៉ាបាវបេីកបុកពីក្រោយហើយកិនកាលពីវេលាម៉ោង១២និង១០នាទីរសៀល ថ្ងៃទី១៣ ខែកក្កដា ឆ្នាំ២០២៣ នៅផ្លូវបេតុងមុខសាលាជម្ពូវ័ន ភូមិព្រៃព្រីងជេីង២ សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះឈ្មោះ មុំ ម៉ាជូលី ភេទប្រុសអាយុ១៤ឆ្នាំ ជាសិស្សថ្នាក់ទី៩Cនៃវិទ្យាល័យប៊ុន រ៉ានី ហ៊ុន សែន ជម្ពូវ័ន។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញក្មេងសិស្សសាលារងគ្រោះជិះម៉ូតូម៉ាកហុងដាស្គូពី ពណ៌ក្រហម ពាក់ស្លាកលេខភ្នំពេញ1CM-4237 ធ្វេីដំណេីរតាមបណ្តោយផ្លូវបេតុងក្នុងទិសដៅពីជើងទៅត្បូង ខណៈមកដល់ចំណុចកេីតហេតុស្រាប់តែមានរថយន្តក្រុមហ៊ុនភេសជ្ជៈខារ៉ាបាវ ពាក់ស្លាកលេខភ្នំពេញ3C-2632 ធ្វេីដំណេីរមកពីក្រោយបុកនិងកិនបណ្តាលឱ្យជនរងគ្រោះស្លាប់ភ្លាមៗនៅកន្លែងកេីតហេតុតែម្តង ភ្លាមៗនោះរថយន្តបង្កបានព្យាយាមបេីកគេចខ្លួនរហូតមកដល់មុខសាលាសង្កាត់ចោមចៅទី៣ក៏ត្រូវសមត្ថកិច្ចឃាត់ខ្លួនបានតែម្តង។
ក្រោយកេីតហេតុសមត្ថកិច្ចបានទាក់ទងទៅសាច់ញាតិជនរងគ្រោះមកទទួលយកសពទៅធ្វេីបុណ្យតាមប្រពៃណី។ ចំណែករថយន្តបង្កនិងម៉ូតូត្រូវបានប្រគល់ទៅជំនាញនៃការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញមកធ្វេីការវាស់វែងយកទៅរក្សាទុករង់ចាំដោះស្រាយនៅពេលក្រោយ៕
ដោយ៖ សុខាសែនជ័យ
