សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោកបណ្ឌិត ហ៊ុន ម៉ាណែត អញ្ជើញជាអធិបតីពិធីបិទយុទ្ធនាការឃោសនាបោះឆ្នោត របស់គណបក្សប្រជាជនកម្ពុជា នៅរាជធានីភ្នំពេញ។
លោកបណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍គណៈកម្មាធិការកណ្តាល និងជាបេក្ខជនតំណាងរាស្ត្រគណបក្សប្រជាជនកម្ពុជាមណ្ឌលរាជធានីភ្នំពេញ បានអញ្ជើញជាអធិបតីក្នុងកម្មវិធីជួបជុំ និងបិទយុទ្ធនាការឃោសនាបោះឆ្នោត របស់ គណបក្សប្រជាជនកម្ពុជា នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ ដែលមានការចូលរួមពីអ្នកសង្កេតការណ៍ជាតិ និងអន្តរជាតិជាច្រើនរូប នាព្រឹកថ្ងៃទី២១ ខែកក្កដា ឆ្នាំ២០២៣។
ខេត្តកណ្តាល : ក្នុងថ្ងៃដង្ហែរក្បួនបិទសកម្មភាពឃោសនាបោះឆ្នោតថ្ងៃទី ២១ កក្កដា ២០២៣ លោកកិត្តិបណ្ឌិត ហ៊ីង ប៊ុនហៀង ប្រធានគណៈកម្មាធិការគណបក្សខុទ្ទកាល័យសម្តេចតេជោ ហ៊ុន សែន និងជាប្រធានក្រុមការងារគណបក្សចុះមូលដ្ឋានស្រុកកណ្តាលស្ទឹង ខេត្តកណ្តាល បានដឹកនាំក្បួនឃោសនាបោះឆ្នោតជ្រើសតាំង តំណាងរាស្រ្តនីតិកាលទី៧ ក្នុងភូមិសាស្រ្តទូទាំង១៨ឃុំ នៃស្រុកកណ្តាលស្ទឹង ខេត្តកណ្តាល ដែលមាន បងប្អូនប្រជាពលរដ្ឋចូលរួមប្រមាណជាង១០០០នាក់។
នៅក្នុងនោះដែរ លោកកិត្តិបណ្ឌិត ហ៊ីង ប៊ុនហៀង បានណែនាំដល់សមាជិកសមាជិការទាំងអស់ ត្រៀមខ្លួនអោយបានល្អដើម្បីទៅបោះឆ្នោតនៅថ្ងៃទី ២៣ ខែ កក្កដា ឆ្នាំ២០២៣ អោយបានគ្រប់ៗគ្នា គឺ បោះឆ្នោតជូនគណបក្សប្រជាជនកម្ពុជា ដែលមានរូបសញ្ញាទេវតាបាចផ្កា ស្ថិតនៅលេខរៀងទី#១៨!
អរគុណសន្តិភាព!
ជយោ! គណបក្សប្រជាជនកម្ពុជាដ៏រុងរឿង!
ប្តេជ្ញាឥតងាករេគាំទ្រ សម្តេចតេជោ ហ៊ុន សែន ជានាយករដ្ឋមន្រ្តី និងគាំទ្របេក្ខភាព
៊លោកបណ្ឌិត ហ៊ុន ម៉ាណែត ជានាយករដ្ឋមន្រ្តី នាពេលអនាគត!
ខេត្តសៀមរាប : សម្តេចពិជ័យសេនា ទៀ បាញ់ អញ្ជើញបិទយុទ្ធនាការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ នៅខេត្តសៀមរាប
សម្តេចពិជ័យសេនា ទៀ បាញ់ សមាជិកគណៈអចិន្រ្តៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាបេក្ខជនតំណាងរាស្ត្រមណ្ឌលសៀមរាប អញ្ជើញបិទយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ នៅខេត្តសៀមរាប នាព្រឹកថ្ងៃទី២១ ខែកក្កដា ឆ្នាំ២០២៣ ដោយមានការចូលរួមពីសមាជិកសមាជិកាគណបក្សប្រជាជនកម្ពុជារាប់ម៉ឺននាក់។
ខេត្តកំពង់ឆ្នាំង : នៅថ្ងៃបិទបញ្ចប់នៃយុទ្ធនាការឃោសនាបោះឆ្នោតនៅថ្ងៃទី២១ ខែកក្កដា ឆ្នាំ២០២៣នេះ គណបក្សប្រជាជនកម្ពុជាខេត្តកំពង់ឆ្នាំង ក្នុងចំណោមគណបក្សនយោបាយទាំង ១៤ ដែលបានចុះឈ្មោះចូលរួមប្រកួតប្រជែងក្នុងការបោះឆ្នោតជ្រើសរើសតំណាងរាស្រ្តនីតិកាលទី៧ នឹងហែក្បួនធំនៅតាមក្រុងស្រុកទូទាំងខេត្ត ដោយមានអ្នកចូលរួមប្រមាណជាង ១០ម៉ឺននាក់។
កម្មវិធីបានប្រព្រឹត្តិទៅក្រោមអធិបតីភាព សម្តេច ចៅហ្វាំង គង់ សំអុល សមាជិកគណៈអចិន្រ្តៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តកំពង់ឆ្នាំង ព្រមទាំងមានការអញ្ជើញចូលរួមពីសណាក់ ឯកឧត្តម បណ្ឌិតសភាចារ្យ អ៊ុក រ៉ាប៊ុន ឯកឧត្តម លោកជំទាវ អនុប្រធាន ក្រុមការងារគណបក្សចុះមូលដ្ឋានខេត្ត និងគណៈអន្រ្តៃយ៍គណៈកម្មាធិការគណយក្សខេត្តកំពង់ឆ្នាំង ដែលបានដឹកនាំដង្ហែក្បួន បង្ហាញកម្លាំងគាំទ្រគណបក្សប្រជាជនកម្ពុជា និងចាត់តាំងពិធីបិទឃោសនាបោះឆ្នោតជ្រើសតាំងតំណាងរាស្ត្រនីតិកាល ទី៧ ឆ្នាំ២០២៣។
ខេត្តកំពង់ស្ពឺ : លោក ហ៊ុន ម៉ានី តំណាងរាស្ត្រមណ្ឌលកំពង់ស្ពឺ និងប្រតិភូអមដំណើរ អញ្ជើញដង្ហែក្បួនបិទ នៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ នាព្រឹកថ្ងៃទី២១ ខែកក្កដា ឆ្នាំ២០២៣ ក្នុងភូមិសាស្រ្តខេត្តកំពង់ស្ពឺ ដោយមានការអញ្ជើញចូលរួមពីសមាជិក សមាជិកា គណបក្សប្រជាជនគ្រប់លំដាប់ថ្នាក់ចូលរួមជាច្រើនម៉ឺននាក់។
ខេត្តកំពត : ពិធីបិទយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ របស់គណបក្សប្រជាជនកម្ពុជាខេត្តកំពត ដឹកនាំដោយ លោកបណ្ឌិត ប៉ែន ស៊ីម៉ន សមាជិកគណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានខេត្តកំពត និង លោកបណ្ឌិត ម៉ៅ ធនិន សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សប្រជាជនកម្ពុជាខេត្តកំពត ដែលមានអ្នកចូលរួមជាង ៤ពាន់នាក់។
ដកស្រង់ពី facebook សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ដែលគ្រប់គ្រងដោយ លោក ដួង តារា៕
ដោយ : សុខ ខេមរា
