អត្រាអ្នកបោះឆ្នោតបណ្តោះអាសន្ន មានចំនួន ៧ ៩១២ ០៨១នាក់ ស្មើ ៨១,៤៨% នៃអ្នកដែលមានឈ្មោះក្នុងបញ្ជីបោះឆ្នោត ខណៈ គ.ជ.ប កំពុងបូកសរុប

ចែករំលែក៖

ភ្នំពេញ ៖ សូមជម្រាបជូនថា : អ្នកនាំពាក្យគ.ជ.ប បាន៖ អត្រាអ្នកបោះឆ្នោតបណ្តោះអាសន្ន មានចំនួន ៧ ៩១២ ០៨១នាក់ ស្មើ ៨១,៤៨% នៃអ្នកដែលមានឈ្មោះក្នុងបញ្ជីបោះឆ្នោត ខណៈ គ.ជ.ប កំពុងបូកសរុប ហើយការប្រកាសលទ្ធផលបណ្តោះអាសន្នអាសន្ន ចាប់ផ្តើមពីល្ងាចថ្ងៃទី២៣ ខែកក្កដា ឆ្នាំ២០២៣។

លោក ឌឹម សុវណ្ណារុំ សមាជិក និងជាប្រធានក្រុមការងារប្រតិកម្មព័ត៌មាន គ.ជ.ប បានបញ្ជាក់ប្រាប់បណ្តាញសារព័ត៌មាន ក្នុងស្រុក ឱ្យដឹងថា ក្រោយបិទការិយាល័យបោះឆ្នោតនៅរសៀលនេះ គឺអត្រាអ្នកបោះឆ្នោតបណ្តោះអាសន្ន មានចំនួន ៧ ៩១២ ០៨១នាក់ ស្មើ ៨១,៤៨ភាគរយ នៃប្រជាពលរដ្ឋដែលមានឈ្មោះក្នុងបញ្ជីបោះឆ្នោត បានទៅបោះឆ្នោត ខណៈគ.ជ.ប កំពុងបូកសរុប។

លោកថា : អត្រានេះគិតត្រឹមម៉ោង ១៥៖៣០នាទីរសៀលថ្ងៃទី២៣ ខែកក្កដា ឆ្នាំ២០២៣។

សូមបញ្ជាក់ថា ការបោះឆ្នោតជ្រើសតាំងអ្នកតំណាងរាស្ត្រអាណត្តិទី៧នេះ មានប្រជាពលរដ្ឋដែលមានសិទ្ធិទៅបោះឆ្នោតមានចំនួន ៩,៧១០,៦៥៥នាក់ មានមានគណបក្សនយោបាយចូលរួមប្រកួតប្រជែងចំនួន១៨ និងមានការិយាល័យ ២៣,៧៨៩ការិយាល័យ។

ដោយឡែកចំនួនអាសនៈសភាសម្រាប់ការបោះឆ្នោតអាណត្តិទី៧ មានចំនួន១២៥អាសនៈ។

មានគណបក្សនយោបាយ ចូលរួមប្រកួតប្រជែងចំនួន១៨ រួមមាន :

១៖ គណបក្ស សំបុកឃ្មុំសង្គមប្រជាធិបតេយ្យ

២៖ គណបក្ស ខ្មែរតែមួយ

៣៖ គណបក្ស សញ្ជាតិកម្ពុជា

៤៖ គណបក្ស ខ្មែររួបរួមជាតិ

៥៖ គណបក្ស កម្លាំងប្រជាធិបតេយ្យ

៦៖ គណបក្ស កសិករ

៧៖ គណបក្ស ស្ត្រីដើម្បីស្ត្រី

៨៖ គណបក្ស ខ្មែរឈប់ក្រ

៩៖ គណបក្ស ហ៊្វុនស៉ិនប៉ិច

១០៖ គណបក្ស ធម្មាធិបតេយ្យ