សារព័ត៌មាន នគរវត្ត តែងតែនាំមុខគេជានិច្ច
កំដៅក្នុងខែកក្កដាកើនឡើងខ្លាំង បំបែកកំណត់ត្រា ពិភពលោក ។ នៅក្នុងរបាយការណ៍មួយកាលពីថ្ងៃទី 27 ខែកក្កដា សេវាបម្រែបម្រួលអាកាសធាតុ Copernicus នៃសហភាពអឺរ៉ុប (EU) និងអង្គការឧតុនិយមពិភពលោក (WMP) បាននិយាយថា ពិភពលោកទើបតែបានជួបប្រទះនូវរយៈពេលបីសប្តាហ៍ដែលក្តៅបំផុតក្នុងកំណត់ត្រា។
របាយការណ៍បញ្ជាក់ថា សីតុណ្ហភាពក្នុងរយៈពេល២៣ថ្ងៃដំបូងនៃខែកក្កដាមានកម្រិតមធ្យម១៦,៩៥អង្សាសេ ដែលខ្ពស់ជាងកំណត់ត្រាមុនដែលមាន១៦,៦៣អង្សាសេ ដែលបានកំណត់ក្នុងខែកក្កដា ឆ្នាំ២០១៩ ។
បើប្រៀបធៀបជាមួយនឹងទិន្នន័យអាកាសធាតុដែលយើងដឹងតាំងពីរាប់ពាន់ឆ្នាំមុនដោយផ្អែកលើរង្វង់ដើមឈើ ថ្មប៉ប្រះទឹកផ្កាថ្ម និងស្នូលដីល្បាប់នៃសមុទ្រជ្រៅ អ្នកវិទ្យាសាស្ត្របង្ហាញថានេះគឺជាសីតុណ្ហភាពជាមធ្យមដែលក្តៅបំផុតនៅលើផែនដីក្នុងរយៈពេល120.000 ឆ្នាំ។
Samantha Burgess នាយករងក្រុមហ៊ុន Copernicus បាននិយាយថា “នេះគឺជាសីតុណ្ហភាពក្តៅបំផុតក្នុងប្រវត្តិសាស្ត្រមនុស្សជាតិ” ។
ឥទ្ធិពលនៃកំដៅលើការស៊ូទ្រាំរបស់មនុស្សគឺច្បាស់ណាស់។ នៅពេលដែលសីតុណ្ហភាពកើនឡើងដល់ 50 អង្សាសេនៅទូទាំងសហរដ្ឋអាមេរិក ចំនួនអ្នកស្លាប់ដោយសារកំដៅកើនឡើង។ សូម្បីតែមនុស្សដែលដួលលើចិញ្ចើមផ្លូវក៏ប្រឈមនឹងគ្រោះថ្នាក់ដល់អាយុជីវិតដែរ៕
ដោយ៖ ធីរីណា(រូបថត៖ TTXVN)
