សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ដេីរតាមផ្លូវខណៈឃេីញសមត្ថកិច្ចល្បាតបែជាព្យាយាមរត់គេចត្រូវបានសមត្ថកិច្ចដេញឃាត់បានឆែកឆេរកឃេីញថ្នាំញៀនមួយចំនួនធំ កាលពីវេលាម៉ោង២និង៥០នាទីរំលងអធ្រាត្រឈានចូលថ្ងៃទី២៩ ខែកក្កដា ឆ្នាំ២០២៣ ស្ថិតនៅចំណុចភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យឈ្មោះ សាយ សុភក្រ្ត័ ភេទប្រុស អាយុ៤៤ ឆ្នាំ មុខរបរមិនពិតប្រាកដ ស្នាក់នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
តាមការបញ្ជាក់ពីលោក លោកថេង កុសល មេប៉ុស្តិ៍ចោមចៅទី៣បានឱ្យដឹងថា នៅមុនពេលកេីតហេតុគាត់បានដឹកនាំកម្លាំងចុះទៅល្បាតក្នុងមូលដ្ឋានខណៈកំពុងជិះម៉ូតូល្បាតស្រាប់តែប្រទះឃេីញជនសង្ស័យម្នាក់ គ្រាន់តែឃេីញកម្លាំងសមត្ថកិច្ចបែជាព្យាយាមរត់ឡេីងលេីដំបូលផ្ទះប្រជាពលរដ្ឋ ឃេីញដូចនេះក៏សង្ស័យហេីយបានដេញចាប់ជនសង្ស័យខាងលេីបានឆែកឆេរលេីដងខ្លួនឃេីញមានថ្នាំញៀនចំនួន១០កញ្ចប់ទេីបឃាត់ខ្លួនយកទៅប៉ុស្តិ៍នគរបាលចោមចៅទី៣សួរនាំ។
ជនសង្ស័យបានសារភាពថា ថ្នាំញៀនទាំងនោះរូបគេបានយកមកដេីរលក់ដោយមួយកញ្ចប់តូចលក់តម្លៃពីរម៉ឺនរៀល។
ក្រោយពេលកេីតហេតុសមត្ថកិច្ចមូលដ្ឋានបានកសាងសំណុំរឿងបញ្ជូនជនសង្ស័យខាងលើទៅកាន់ផ្នែកជំនាញគ្រឿងញឿនខណ្ឌពោធិ៍សែនជ័យដើម្បីចាត់ការទៅតាមនីតិវិធីច្បាប់បន្ត៕
ដោយ៖ សុខាសែនជ័យ
