សារព័ត៌មាន នគរវត្ត តែងតែនាំមុខគេជានិច្ច
ក្លិបហង្សក្រហម Liverpool បានយល់ព្រមលើតម្លៃផ្ទេរកំណត់ត្រារបស់អង់គ្លេសចំនួន១១១លានផោនជាមួយក្លិប Brighton សម្រាប់ខ្សែបម្រើ Moises Caicedo។ទោះជាយ៉ាងណាក៏ដោយឥឡូវនេះ Chelsea កំពុងព្យាយាមដើម្បីទទួលបានកិច្ចព្រមព្រៀងមួយសម្រាប់កីឡាករអន្តរជាតិអេក្វាឌ័ររូបនេះដែរ បើទោះបីជា Brighton បដិសេធការដេញថ្លៃជាបន្តបន្ទាប់ពីក្លិបកាលពីដើមរដូវក្តៅក៏ដោយ។
គេគិតថា ចំណូលចិត្តរបស់កីឡាករវ័យ២១ឆ្នាំរូបនេះគឺចង់ផ្លាស់ទៅ Stamford Bridge។ វានៅតែត្រូវបានមើលថា តើក្រុមតោខៀវនឹងត្រូវគ្នានឹងការដេញថ្លៃរបស់ Liverpool ដែរឬទេ?
Brighton បានកំណត់តម្លៃលើសពី១០០លានផោនសម្រាប់ Caicedo ហើយបាននិយាយថា ពួកគេមានអារម្មណ៍ថាគ្មាននរណាម្នាក់នឹងឈានដល់ការចរចានៅឡើយទេ។ Chelsea ត្រូវបានគេជឿថា បានដេញថ្លៃ៨០លានផោនកាលពីមុន។
គ្រូបង្វឹកក្លិប Brighton លោក Roberto de Zerbi បានផ្តល់គំនិតរបស់គាត់លើរឿងផ្ទេរកីឡាករមុនពេលក្រុមប៉ះ Luton Town ក្នុងការប្រកួតបើកឆាក Premier League របស់ពួកគេនៅរាត្រីថ្ងៃសៅរ៍នេះ។
លោក De Zerbi បានប្រាប់សន្និសីទសារព័ត៌មានថា “ខ្ញុំបានភ្លេចអំពី Moises រួចហើយ។ ខ្ញុំពិតជាមានមោទនភាពចំពោះកីឡាករដែលយើងមាននៅក្នុងក្រុម។ យើងចង់បន្តការធ្វើឲ្យប្រសើរឡើង ក្លិបធំៗអាចទិញកីឡាកររបស់យើង ប៉ុន្តែពួកគេមិនអាចទិញទឹកចិត្តរបស់យើងបានទេ។យើងជា Brighton យើងសម្រេចបានគោលដៅធំមួយកាលពីឆ្នាំមុន ដូច Liverpool ល្អជាង Chelsea។ ខ្ញុំចង់បានកីឡាករដែលមានមោទនភាពក្នុងការលេងនៅ Brighton”៕
ដោយ ៖ ភារៈ(រូបភាព ៖ BBC Sport)
ឃ្លាំងស្តុកកែវជ័រមួយកន្លែងក្នុងខណ្ឌដង្កោ ត្រូវបានអគ្គិភ័យឆាបឆេះយ៉ាងសន្ធោសន្ធៅ
