សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តម៉ាកម៉ាស្តាមួយគ្រឿងបេីកលឿនជ្រុលទៅបុករះរថយន្តចំនួន៤គ្រឿងនិងរ៉ឺម៉កលក់ទឹកអំពៅមួយគ្រឿងទៀតរងការខូចខាត តែសំណាងដែរដែលមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង២និង៣០នាទីរសៀល ថ្ងៃទី១៥ ខែកញ្ញា ឆ្នាំ២០២៣ នៅមុខបុរីជោរី តាមបណ្តោយផ្លូវជាតិលេខ៣ ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ។
រថយន្តបង្កម៉ាកម៉ាស្តា ពណ៌ស ពាក់ស្លាកលេខភ្នំពេញ2BP-9537 ចំណែករថយន្តរងគ្រោះ មានម៉ាកព្រូស ពណ៌ទឹកប្រាក់ ពាក់ស្លាកលេខភ្នំពេញ2BF-5012 , ម៉ាក morning ពណ៌ទឹកប្រាក់ ពាក់ស្លាកលេខភ្នំពេញ2AM-5414 ចំណែករថយន្ត២គ្រឿងទៀតមិនចង់វែងឆ្ងាយបេីកបន្តទៅមុខបាត់ទៅ និងរ៉ឺម៉កលក់ទឹកអំពៅមួយគ្រឿងទៀត។
តាមប្រភពព័ត៌មានបានឱ្យដឹងថា មុនពេលកេីតហេតុរថយន្តទាំង៥គ្រឿងនិងរ៉ឺម៉កលក់ទឹកអំពៅធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែរថយន្តបង្កម៉ាកម៉ាស្តាបេីកមកពីក្រោយបុករថយន្តព្រូសរុញទៅបុករ៉ឺម៉កនិងឡេីងលើសួនច្បារ ហេីយរថយន្តបង្កមិនទាន់អស់ល្បឿនក៏ជ្រុលទៅបុករថយន្តMorning និងរថយន្ត២គ្រឿងពីក្រោយទៀតបណ្តាលឱ្យរងការខូចខាតតែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុធ្វើការគូសវាសយករថយន្តអែបខាងដេីម្បីសម្របសម្រួល៕
ដោយ៖ សុខាសែនជ័យ
