សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បើតាមការបញ្ជាក់ពីលោក ឡុង វឿន មេបញ្ជាការកងរាជអាវុធហត្ថស្នាក់ការB06 ប្រចាំនៅឃុំផាត់សណ្ដាយ បានឱ្យដឹងនៅព្រឹកថ្ងៃទី១៦ ខែកញ្ញា ឆ្នាំ២០២៣នេះថា៖ កម្លាំងជំនាញ បានឆ្មក់ចាប់ការដឹកជញ្ជូន កូនត្រីឆ្តោចំនួនពីរ ម៉ឺនក្បាល និងត្រីរ៉ស់ជាងមួយម៉ឺនក្បាល ស្ថិតនៅចំណុចឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ។
លោក ឡុង វឿន មេស្នាក់ការB06 បន្តថា ការដឹកកូនត្រីទាំងអស់នេះគឺបានយកចេញពីផ្ទះ ជនជាតិវៀតណាម្នាក់ដែលស្នាក់នៅភូមិផាត់សណ្ដាយ ចែកចាយបន្តចិញ្ចឹមនៅ ភូមិប្រទាក់ ឃុំសំព្រោច ស្រុកស្ទោង ខេត្តកំពង់ធំ ។ ហើយចំពោះបទល្មើសនេះកើតឡើងជាប្រចាំផងដែរ។
បច្ចុប្បន្នកម្លាំងជំនាញរបស់កងរាជអាវុធហត្ថ កំពុងស៉ើបអង្កេត និងតាមប្រមាញ់រាល់បទល្មើសនេសាទ និងធ្វើការបង្ក្រាបជាបន្តបន្ទាប់ផងដែរ។ ចំណែកកូនត្រីទាំងនេះត្រូវបាន ប្រគល់ជូនទៅសង្កាត់រដ្ឋបាលជលផលកំពង់ស្វាយ បន្តចាត់ការតាមនីតិវិធីច្បាប់៕
ដោយ៖ សហការី
