សារព័ត៌មាន នគរវត្ត តែងតែនាំមុខគេជានិច្ច
ខ្សែបម្រើឆ្នើម Jude Bellingham បានស៊ុតបញ្ចូលទីគ្រាប់ទី៧របស់គាត់ក្នុងរដូវកាលនេះ ខណៈដែលក្រុមភ្ញៀវ Real Madrid បានឡើងមកកំពូលតារាង La Liga វិញជាមួយនឹងជ័យជម្នះយ៉ាងស្រួលលើក្រុមម្ចាស់ផ្ទះ Girona ក្នុងលទ្ធផល៣ទល់០ កាលពីរាត្រីថ្ងៃទី៣០ ខែកញ្ញា ឆ្នាំ២០២៣។
កីឡាករ Joselu បានបើកការស៊ុតបញ្ចូលទីពីការបញ្ជូនបាល់ដ៏អស្ចារ្យរបស់ Bellingham នៅនាទីទី១៧ មុនពេល Aurelien Tchouameni នាំមុខ១គ្រាប់ទៀតនៅនាទីទី២១ ខណៈដែល Bellingham បានបញ្ចប់ការស៊ុតបញ្ចូលទីគ្រាប់ទី៣ជាមួយនឹងការបញ្ចប់តង់ទី២ដ៏ល្អ។
ជ័យជម្នះលើកនេះ Real Madrid ឈរលើក្រុម Girona និង Barcelona ដែលបានយកឈ្នះ Sevilla កាលពីថ្ងៃសុក្រ។ Girona ដែលបានឈរនៅកំពូលតារាងក្នុងការឈានទៅជុំចុងក្រោយនៃការប្រកួត La Liga បានចាប់ផ្តើមដោយការឈានដល់ជំហានរបស់ពួកគេ ហើយបានបង្កើតឱកាសមាស២ដងផងដែរដើម្បីនាំមុខក្នុងការប្រកួតនេះ។
កីឡាករ Yangel Herrera របស់ក្រុម Girona មានឱកាសតែតបាល់ចំគោលដៅ មុនពេល Viktor Tsygankov បានវាយប៊ិសចំគោលដៅនៅក្រៅបង្គោលទីពីការតែតបាល់មួយផ្សេងទៀត។ Real Madrid បានរកឃើញចង្វាក់លេងរបស់ពួកគេយ៉ាងល្អ ហើយនៅទីបំផុតបាននាំមុខដោយសារការលេងដ៏អស្ចារ្យពី Bellingham ដែលបញ្ជូនបាល់ឲ្យ Joselu ដើម្បីផ្តល់ឱ្យអតីតខ្សែប្រយុទ្ធ Stoke និង Newcastle រូបនេះបញ្ចប់ទីយ៉ាងងាយស្រួល។
កីឡាករ Tchouameni រកបានគ្រាប់ទី២នាំមុខឲ្យ Real Madrid នៅ៤នាទីក្រោយមក បន្ទាប់ពីការស៊ុតបាល់ចេញពីជ្រុងរបស់ Toni Kroos។ ក្រុមម្ចាស់ផ្ទះស្ទើរតែរកបាន១គ្រាប់មកវិញដែរក្នុង៥នាទីនៃតង់ទី២ នៅតែមិនអាចបំប៉ោងសំណាញ់ទីក្រុមភ្ញៀវដដែល។
Bellingham រកបានគ្រាប់ទី៣របស់ Real Madrid ដោយនៅសល់២០នាទីទៀត ដោយរកបានជ្រុងឆ្ងាយ បន្ទាប់ពី Paulo Gazzaniga បានរារាំងការប្រឹងប្រែងដំបូងរបស់ Joselu ដែលមានឱកាសម្តងទៀត។ កីឡាករវ័យ២០ឆ្នាំBellingham គឺជាកីឡាករទី២ ដែលអាចស៊ុតបញ្ចូលទីបានយ៉ាងហោចណាស់៦គ្រាប់ក្នុងការប្រកួត La Liga ៧ប្រកួតដំបូងរបស់គាត់សម្រាប់ក្រុម Real Madrid ក្នុងសតវត្សទីនេះ បន្ទាប់ពី Cristiano Ronaldo ធ្វើបានកាលពីឆ្នាំ២០០៩។
ការប្រកួតបានបញ្ចប់ដោយលទ្ធផលដ៏ជូរចត់សម្រាប់អ្នកទស្សនាក្រុមម្ចាស់ផ្ទះ Girona ខណៈដែល Nacho ត្រូវបានបណ្តេញចេញដោយកាតក្រហមនៅចុងម៉ោងនាទីទី៩០+៤ សម្រាប់ការប្រជែងដែលមិនប្រុងប្រយ័ត្នលើ Portu។បច្ចុប្បន្នក្រុមរបស់លោក Carlo Ancelotti ឡើងឈរកំពូលតារាងមាន២១ពិន្ទុឈ្នះក្រុមលេខ២ Barcelona ដែលមាន២០ពិន្ទុ។
ក្រុម Real Madrid នឹងត្រូវធ្វើដំណើរទៅជួប Napoli ក្នុងការប្រកួតជាលើកទី២វគ្គជម្រុមតាមពូលក្នុង Champions League នៅរាត្រីថ្ងៃអង្គារនេះ ៕
ដោយ៖ ភារៈ(រូបភាព ៖ BBC Sport)
