សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ ក្មេងទំនើង៤នាក់ ក្នុងចំណោមបក្ខពួក៨នាក់ត្រូវបាននគរបាលស្រុកអង្គស្នួលចាប់ឃាត់ខ្លួនបន្ទាប់ពីក្រុមក្មេងទំនើងទាំងនេះ រពឹសដៃអុជផាវគប់ចូលក្នុងទីតាំងកោសជប់ម៉ាស្សា បង្កជាជម្លោះឈានដល់ក្រុមក្មេងទាំងនោះយកដុំថ្មគប់ចូលក្នុងទីតាំងបន្ថែមទៀត បណ្ដាលឱ្យខូចខាតសម្ភារមួយចំនួន។ ករណីនេះបានកើតឡើងនៅថ្ងៃទី០៤ ខែតុលា ឆ្នាំ២០២៣ វេលាម៉ោង០១និង៤០នាទីរំលងអធ្រាត្រនៅចំណុចផ្ទះជនរងគ្រោះក្នុងភូមិរកាធំ ឃុំបែកចាន ស្រុកអង្គស្នួល ខេត្តកណ្តាល។
មន្ត្រីនគរបាលស្រុកអង្គស្នួលបានឱ្យដឹងថា ជនរងគ្រោះចំនួន០២នាក់ ១-ឈ្មោះ អុឹម ណារី ភេទស្រី អាយុ៤៣ឆ្នាំ ជនជាតិខ្មែរ មុខរបរបេីកកន្លែងម៉ាស្សា ស្នាក់នៅភូមិរកាធំ ឃុំបែកចាន ស្រុកអង្គស្នួល ខេត្តកណ្ដាល។ ២-ឈ្មោះ អុឹម សីហា ភេទប្រុស អាយុ៤០ឆ្នាំ ជនជាតិខ្មែរ មុខរបរជាងសំណង់ ស្នាក់នៅភូមិរកាធំ ឃុំបែកចាន ស្រុកអង្គស្នួល ខេត្តកណ្ដាល ។
ចំណែកជនសង្ស័យ ០៨នាក់ (ប្រុស) ឃាត់ខ្លួនបាន០៤នាក់ ៖
១-ឈ្មោះ ហៀង លីហួ ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រៃបឹង ឃុំបែកចាន ស្រុកអង្គស្នួល ខេត្ដកណ្ដាល (ឃាត់ខ្លួន) ។ ២-ឈ្មោះ រិន ដានិ ភេទប្រុស អាយុ១៥ឆ្នាំជនជាតិខ្មែរ មុខរបរមិនពិតប្រាកដ មានទីលំនៅភូមិពងទឹក ឃុំបែកចាន ស្រុកអង្គស្នួល ខេត្តកណ្ដាល (ឃាត់ខ្លួន)។ ៣-ឈ្មោះ តុប ចិន្ដា ហៅក្រិន ភេទប្រុសអាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិត្រពាំងខ្ទឹម ឃុំក្រាំងម្កាក់ ស្រុកអង្គស្នួល ខេត្តកណ្ដាល (ឃាត់ខ្លួន)។ ៤-ឈ្មោះ យ៉ាង ពៅសុវណ្ណារិទ្ធ ភេទប្រុសអាយុ១៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិត្រពាំងក្រពេី ឃុំក្រាំងម្កាក់ ស្រុកអង្គស្នួល ខេត្តកណ្ដាល (ឃាត់ខ្លួន) រីឯ៤នាក់ទៀតរត់គេចខ្លួន។
សម្ភារចាប់យក៖ កាំបិតប៉័ងតោចំនួន០១ ដុំថ្មចំនួន០៤ដុំ ជារបស់ជនសង្ស័យ។ ផលប៉ះពាល់៖ បណ្ដាលឱ្យបែកបង្អួចកញ្ចក់ចំនួន០២, ទ្វារផ្ទះមានស្នាមកាប់ដោយកាំបិត។ ជនរងគ្រោះឈ្មោះ អុឹម សីហា ត្រូវរងរបួសចំស្មងជេីងខាងឆ្វេងបណ្ដាលឱ្យមុតចេញឈាម។
ប្រភពដដែលបន្តថា នៅមុនពេលកេីតហេតុ ថ្ងៃទី០៣ ខែតុលា ឆ្នាំ២០២៣ វេលាម៉ោង២០និង៣០នាទី ជនរងគ្រោះទាំងពីរនាក់និងកូនចៅបាននៅក្នុងផ្ទះបេីកហាងម៉ាស្សាដូចរាល់ដង ស្រាប់តែមានជនសង្ស័យ០៦នាក់ជិះម៉ូតូ០៣គ្រឿងមកពីទិសខាងត្បូង(បឹងធំ-បែកចាន)បានជិះយឺតៗមកដល់មុខហាងម៉ាស្សាក៏បានដុតផាវបោះចូលមុខហាងម៉ាស្សាផ្ទុះបណ្ដាលឱ្យភ្ញាក់ ហេីយជនរងគ្រោះបានស្រែកជេរទៅជនសង្ស័យទាំងនោះថា(អេីពួកអាចុយម្រា៉យអត់ការងារធ្វេីទេបានជាដេីរដុតផាវបោះចូលផ្ទះគេចឹង! ) ។ ភ្លាមនោះជនសង្ស័យក៏បានស្រែកជេរតបមកវិញ រួចហេីយជនសង្ស័យក៏បានបេីកម៉ូតូទៅទិសខាងជេីងបាត់ទៅ។ មួយសន្ទុះក្រោយមកពួកជនសង្ស័យបានជិះម៉ូតូទៅវិញទៅមកចំនួនបីដងតែមិនបានធ្វេីសកម្មភាពអ្វីទេ។ លុះដល់ម៉ោង០១និង៤០នាទីរំលងអធ្រាត្រ ឈានចូលថ្ងៃទី០៤ ខែតុលា ឆ្នាំ២០២៣ ជនសង្សយ័ក៏បាននាំគ្នាជិះម៉ូតូ០៤គ្រឿងមានគ្នា០៨នាក់មកដល់មុខហាងម៉ាស្សាជនរងគ្រោះរួចបាននាំគ្នាចុះពីលេីម៉ូតូនិងយកដុំថ្មគប់ទៅលេីហាងជនរងគ្រោះបណ្ដាលឱ្យបែកអង្អួចកញ្ចក់អស់ពីរ ហេីយជនរងគ្រោះបាននាំគ្នារត់ចូលទៅក្នុងហាងនិងទាញទ្វារបិទ តែបិទមិនទាន់ក៏ត្រូវពួកជនសង្សយ័គប់ត្រូវចំស្មងជេីងជនរងគ្រោះឈ្មោះ អុឹម សីហា បណ្ដាលឱ្យរបួសចេញឈាម ។ ពេលជនរងគ្រោះបិទទ្វាររួចហេីយបក្ខពួកជនសង្ស័យបានយកកាំបិតប៉័ងតោកាប់ទ្វារហាងជនរងគ្រោះធ្វេីឱ្យខូចខាតទាំងស្រុងរួចគេចខ្លួនអស់ ចំណែកជនរងគ្រោះបានរាយការណ៍និងដាក់ពាក្យបណ្តឹងមកប៉ុស្តិ៍រដ្ឋបាល ។
ក្រោយពីទទួលបានព័ត៌មានភ្លាម កម្លាំងប៉ុស្តិ៍បែកចាននិងកម្លាំងប៉ុស្តិ៍ក្រាំងម្កាក់ បានសហការជាមួយកម្លាំងផ្នែកជំនាញនគរបាលយុត្តិធម៌ស្រុក បានចុះទៅដល់កន្លែងកេីតហេតុធ្វេីការស្រាវជ្រាវតាមរកឃាត់ខ្លួនជនសង្ស័យបានជាបន្តបន្ទាប់ បញ្ជូនមកកាន់អធិការដ្ឋាននគរបាលស្រុក សួរនាំបន្ត។
នៅចំពោះមុខសមត្ថកិច្ច ជនសង្ស័យបានឆ្លេីយសារភាពថា ពួកខ្លួនពិតជាបានធ្វេីសកម្មភាពយកកាំបិតកាប់និងយកដុំថ្មគប់ទៅលេីជនរងគ្រោះប្រាកដមែន។
ចំពោះករណីនេះកម្លាំងផ្នែកជំនាញ កំពុងកសាងសំណុំរឿងតាមនីតិវិធីច្បាប់៕
ដោយ៖ ស្អាងជ័យ
