សារព័ត៌មាន នគរវត្ត តែងតែនាំមុខគេជានិច្ច
សារព័ត៌មាន Reuters នៅថ្ងៃសៅរ៍ ទី៧ ខែតុលា ឆ្នាំ២០២៣ មន្រ្តីគ្រប់គ្រងគ្រោះមហន្តរាយនិយាយថា ចំនួនមនុស្សស្លាប់ក្នុងគ្រោះរញ្ជួយដីជាច្រើនលើកនៅភាគខាងលិចប្រទេសអាហ្វហ្កានីស្ថាន បានកើនឡើងដល់ ១២០នាក់ហើយនិងជាង ១ពាន់នាក់រងរបួស។
អ្នកនាំពាក្យក្រសួងគ្រប់គ្រងគ្រោះមហន្តរាយអាហ្វហ្គានីស្ថាន បាននិយាយថា តួលេខនៃអ្នកស្លាប់គឺផ្អែកលើរបាយការណ៍បឋមពីស្រុក Zinda Jan នៃទីក្រុង Herat។ ការរញ្ជួយដីក៏បានអង្រួនទីក្រុង Farah និង Badghis ផងដែរ ហើយមានសេចក្តីរាយការណ៍ពីការបំផ្លិចបំផ្លាញផ្ទះជាច្រើនខ្នង នៅភូមិចំនួន១២ ក្នុងប្រទេសនេះ។
លោកស្រី Erfanullah Sharafzoi អ្នកនាំពាក្យរបស់អឌ្ឍចន្ទក្រហមអាហ្វហ្គានីស្ថាន បានឲ្យដឹងថា ក្រុមសង្គ្រោះបន្ទាន់ និងអ្នកស្ម័គ្រចិត្តកំពុងចេញទៅកាន់ទីក្រុង Herat ដើម្បីជួយដល់ជនរងគ្រោះ។
គ្រោះរញ្ជួយដីកម្រិត ៦.៣រ៉ិចទ័រ បានវាយប្រហារលើភាគខាងលិចប្រទេសអាហ្វហ្កានីស្ថាន នៅព្រឹកថ្ងៃសៅរ៍ ទី៧ ខែតុលានេះ (ម៉ោងក្នុងតំបន់) ដោយមានចំណុចកណ្ដាលស្ថិតនៅចម្ងាយ ៤០គីឡូម៉ែត្រពីភាគពាយព្យនៃទីក្រុង Herat។ បន្ទាប់ពីគ្រោះរញ្ជួយដីនេះក៏មាន រំញ័រមួយផ្សេងទៀតកម្រិត ៥.៥រ៉ិចទ័រផងដែរ៕
ដោយ៖ ធីរីណា(រូបថត៖ AFP)
