សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ព្រះអង្គម្ចាស់ នរោត្តម ចក្រាវុធ បានដឹកនាំ យុវរាជានិយម និងសមាជិក សមាជិកា មកពីគ្រប់រាជធានី ខេត្ត ធ្វេីពិធីគោរព និងសម្មាធិ ចំពោះ ព្រះបរមឆាយាលក្ខណ៍ ព្រះករុណា ព្រះបាទ សម្តេចព្រះ នរោត្តម សីហនុ ព្រះមហាវីរក្សត្រ ព្រះបរមរតកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត សួនច្បារវិមានឯករាជ្យ នាព្រឹកថ្ងៃទី១៩ ខែតុលា ឆ្នាំ២០២៣ ។
ដោយឡែក ដេីម្បីជាថ្វាយមហាព្រះរាជកុសល ដួងព្រះវិញ្ញាណក្ខន្ធ ព្រះករុណា ព្រះបាទ សម្តេចព្រះ នរោត្តម សីហនុ ព្រះមហាវីរក្សត្រ ព្រះបរមរតកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត ធីបរិច្ចាគឈាម ព្រះអង្គម្ចាស់ នរោត្តម ចក្រាវុធ យុវរាជានិយម និងសមាជិក សមាជិកា បានស្មគ្រចិត្តចូលរួមបរិច្ចាគឈាម ជូនមជ្ឈមណ្ឌលជាតិផ្តល់ឈាម នាទីស្នាក់ការគណបក្សរាជានិយម សម្តេចប៉ាន ។
ព្រះអង្គម្ចាស់ នរោត្តម ចក្រាវុធ បានមានព្រះបន្ទូលថា ពិតជាមិនអាចបំភ្លេចបានទេនូវ ព្រះមហាករុណាទិគុណ ព្រះមហាវីរភាពដ៏អង់អាចក្លាហានបំផុតក្នុងបេសកកម្មលះបង់ព្រះរាជកាយពល ព្រះរាជបញ្ញាញ្ញាណ ព្រះជន្ម ក្នុងការទាមទារឯករាជ្យជាតិ សុខសន្តិភាព ការអភិវឌ្ឍគ្រប់វិស័យ ការបង្រួបបង្រួមជាតិជាធ្លុងមួយ ជូនប្រជាជាតិខ្មែរបាន រស់នៅប្រកបដោយសេចក្តីសុខសាន្ត សម្បូរសប្បាយរុងរឿង ស្មេីមុខមាត់ជាមួយប្រជាជាតិលេីកសាកលលោកទាំងមូល។
សូម ព្រះករុណា ព្រះបាទ សម្តេចព្រះ នរោត្តម សីហនុ ព្រះមហាវីរក្សត្រ ព្រះបរមរតកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត ស្តេចបានយាងក្នុងឋានព្រះបរមសុខកុំបីឃ្លាងឃ្លាតឡេីយ៕
ដោយ ៖ សហការី
