សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើលដល់អ្នកភូមិនិងក្រុមគ្រួសារនិងរាយការណ៍មកសមត្ថកិច្ចមូលដ្ឋានមកពិនិត្យសពបន្ទាប់ពីប្រទះ ឃើញដេកស្លាប់នៅត្រង់ចំណុចបន្ទប់ទឹកខាងក្រោមផ្ទះរបស់ខ្លនឯងនិងមានកាំបិតហូរឈាមជោកដី។
ហេតុការណ៍នេះបានកើតឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី ២២ខែតុលាឆ្នាំ ២០២៣នៅចំណុចភូមិចំណតត្រាច ឃុំថ្នាធ្នង់ ស្រុករំដួលខេត្តស្វាយរៀង។
យោងតាមសមត្ថកិច្ចនគរបាលស្រុកបានឱ្យដឹងថាបុរសខាងលើមានឈ្មោះ ដួង រ៉ា អាយុ៥១ឆ្នាំ ជាសមាជិក ក្រុមប្រឹក្សាឃុំ រស់នៅភូមិឃុំខាងលើ។
តាមការបំភ្លឺរបស់ឈ្មោះ អ៊ុក ណារី (ត្រូវជាប្រពន្ធសាកសព)បានប្រាប់ថា ប្តីរបស់គាត់មានជំងឺប្រចាំកាយ ឈឺយូរឆ្នាំមកហើយ ដោយសារ មានទឹកនោមប្រៃនិង លើសឈាម។
ប្រភពបន្តថា ក្រោយពីទទួលព័ត៌មានភ្លាមកម្លាំងសមត្ថកិច្ចជំនាញខេត្តបាន សហការជាមួយកម្លាំងជំនាញស្រុកនិងគ្រូពេទ្យមណ្ឌលសុខភាព បុសមន បានពិនិត្យសាកសពដោយ សន្និដ្ឋានថាពិតជាស្លាប់ដោយសារធ្វើអត្តឃាតអារ.កខ្លួនឯងប្រាកដមែនដោយមិនមានស្នាកស្នាមអ្វីសំគាល់ជារឿងឃាតកម្មនោះទេ។
បច្ចុប្បន្ន សាកសពត្រូវបានសមត្ថកិច្ចធ្វើកំណត់ហេតុនិងបានប្រគល់ឱ្យក្រុមគ្រួសារធ្វើបុណ្យតាមប្រពៃណីទាំងក្ដុកក្ដួលបំផុត ៕
ដោយ៖ សុថាន
