សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ រថយន្តក្រុងមួយគ្រឿងដឹកអ្នកដំណើរឡើងជែងខ្វះការប្រុងប្រយត្នធ្លាក់ផ្លូវចូលប្រឡាយទឹក តែសំណាងគ្មានអ្នករងរបួសនៅថ្ងៃទី០៣ ខែវិច្ឆិកា ឆ្នាំ២០២៣ ស្ថិតភូមិ.ឃុំឈ្នួរមានជ័យ ស្រុកព្រះនេត្រព្រះ។
សមត្ថកិច្ចប្រាប់ថា នៅពេលគ្រោះថ្នាក់ចរាចរណ៍កើតឡើងគាត់ដឹកអ្នកដំណើរពីភ្នំពេញទៅក្រុងប៉ោយប៉ែត នៅពេលម៉ោងយប់ពេលដល់កន្លែងកើតហេតុបានឡើងជែងរថយន្ត១គ្រឿងទៀតដែលបើកបរស្របទិសគ្នាបណ្តាលរេចង្កូតធ្លាក់ផ្លូវចូលប្រឡាយទឹក សំណាងមនុស្ស ក្នុងរថយន្តគ្មានអ្នករងរបួសតែទំនិញនៅក្រោមបាតរថយន្តបានទទឹកអស់គ្មានសល់។
ក្រោយពេលគ្រោះថ្នាក់ចរាចរណ៍កើតឡើងឃើញកម្លាំងនគរបាលប៉ុស្តិ៍ឃុំឈ្នួរមានជ័យ ស្រុកព្រះនេត្រព្រះបានចុះមកពិនិត្យភ្លាមៗការពារខ្លាចមានគ្រោះថ្នាក់កើតឡើង និងអន្តរាគមន៍តាមការពិនិត្យ គឺនៅពេលគ្រោះថ្នាក់កើតឡើងបណ្តាលមកពីអ្នកបើកបររថយន្តដឹកអ្នកដំណើរបើកឡើងជែងគ្មានការប្រុងប្រយ័ត្នទើបធ្លាក់ផ្លូវចូលប្រឡាយទឹកតែ គ្មានអ្នករងរបួសនោះទេ។
កម្លាំងនគរបាលប៉ុស្តិ៍បានបញ្ជាក់ថា៖ ក្រោយគ្រោះថ្នាក់ចរាចរណ៍ដោយខ្លួនឯងគ្មានអ្នករងរបួស អ្នកដំណើរត្រូវបានរថយន្តក្រុង ១គ្រឿងទៀតបានមកដឹកបន្ត ហើយរថយន្តដែលធ្លាក់ទឹកត្រូវបានហៅរថយន្តមកស្ទូចយកទៅជួសជុលដោយខ្លួនឯង៕
ដោយ ៖ វណ្ណា
