សារព័ត៌មាន នគរវត្ត តែងតែនាំមុខគេជានិច្ច
ក្រុមយក្សអេស្ប៉ាញ Barcelona បានខកខានក្នុងការក្លាយជាក្រុមដំបូងគេក្នុងការឈានទៅវគ្គបន្តនៃក្របខ័ណ្ឌ Champions League ខណៈដែលពួកគេត្រូវបានធ្វើឱ្យភ្ញាក់ផ្អើលដោយចាញ់ក្រោមថ្វីជើងក្រុម Shakhtar Donetsk ក្នុងលទ្ធផល១ទល់០។
កីឡាករ Danylo Sikan បានស៊ុតបាល់បញ្ចូលទីតែមួយគ្រាប់ក្នុងការប្រកួតនេះ ដោយបានដោយការបញ្ជូនបាល់របស់ Giorgi Gocholeishvili នៅនាទីទី៤០ក្នុងតង់ទី១។ ជាមួយគ្នានោះ Newerton គិតថាគាត់បានបន្ថែមមួយវិនាទីចុងក្រោយ ប៉ុន្តែការខិតខំប្រឹងប្រែងរបស់កីឡាករវ័យជំទង់រូបនេះត្រូវបានបរាជ័យ។
Barcelona ត្រូវការ១ពិន្ទុក្នុងទីក្រុង Hamburg ដើម្បីឡើងពីពូល H ដោយមានការប្រកួតចំនួន២ទៀតដែលត្រូវលេង ប៉ុន្តែពួកគេត្រូវរង់ចាំរហូតដល់ការប្រកួតបន្តទៀតដើម្បីប្រាកដថា គេអាចឡើងទៅកាន់វគ្គ១៦ក្រុមបាន។ ទោះបីជាមានការគ្រប់គ្រងយ៉ាងណាក៏ដោយ ក៏ក្រុមភ្ញៀវមិនអាចបំបាក់ក្រុមជើងឯកអ៊ុយក្រែនបានឡើយ។
ទោះបីជាយ៉ាងណាក៏ដោយ ក្រុមរបស់លោក Xavi នៅតែឈរនៅលើកំពូលតារាងនៃពូល H ដោយមាន៩ពិន្ទុ ហើយនឹងឈានទៅវគ្គបន្ត ប្រសិនបើពួកគេជៀសវាងការចាញ់ក្រុម Porto ក្នុងការប្រកួតបន្ទាប់របស់ពួកគេនៅថ្ងៃទី២៨ ខែវិច្ឆិកាខាងមុខ។ ចំណែក Shakhtar ដែលបានយកឈ្នះ Barcelona ជាក្រុមធ្លាប់ឈ្នះ Champions League ៥សម័យចុងក្រោយ ក្នុងឆ្នាំ២០០៨ កំពុងឈរលេខ៣ក្នុងពូល H ដោយមាន៦ពិន្ទុ។
ក្រុមរបស់លោក Marino Pusic សង្ឃឹមថានឹងឈានទៅវគ្គបន្តជាលើកដំបូងចាប់តាំងពីយុទ្ធនាការ២០១៧-២០១៨ នៅពេលដែលពួកគេបានចាញ់ក្នុងជុំទី១៦ក្រោមថ្វីជើងក្រុម Roma ៕
ដោយ៖ ភារៈ(រូបភាព ៖ BBC Sport)
