សារព័ត៌មាន នគរវត្ត តែងតែនាំមុខគេជានិច្ច
ភ្នំពញ ៖ អគ្គិភ័យបានឆាបឆេះក្លិបកម្សាន្តមួយកន្លែង យីហោ Play99 យ៉ាងសន្ធោសន្ធៅបង្កការភ្ញាក់ផ្អេីល កាលពីយប់ ថ្ងៃទី១១ ខែវិច្ឆិកា ឆ្នាំ២០២៣ ស្ថិតនៅផ្លូវចៃកា ភូមិ១៤ ក្រុម៧៨ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ក្រោយពីទទួលបានដំណឹងនេះភ្លាម កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យទៅជួយធ្វើអន្តរាគមន៍ផងដែរ ក្នុងនោះក៏មានអាជ្ញាធរមូលដ្ឋានរួមសហការគ្នាដេីម្បីបាញ់ពន្លត់ទប់ស្កាត់កុំឱ្យមានការឆេះបន្ថែមទៀត ។
ប្រតិបត្តិការនេះត្រូវបានពន្លត់អគ្គិភ័យនេះបានទាំងស្រុង នៅវេលាម៉ោង២:៣០នាទីរំលងអធ្រាត្រឈានចូលថ្ងៃទី១២ ខែវិច្ឆិកា២០២៣ ដោយប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន ១៨គ្រឿង ប្រេីប្រាស់ទឹកអស់ចំនួន ១៨០ឡាន ស្មើនឹង ៧២០ម៉ែត្រគូប, រថយន្តក្រសួងមហាផ្ទៃចំនួន ០២គ្រឿង ប្រើប្រាស់ទឹកអស់ចំនួន ០៣គ្រឿង ស្មើនឹង ១២ម៉ែត្រូគូប, រថយន្តអគ្គិភ័យទីក្រុងកោះពេជ្រចំនួន ០៣គ្រឿង ប្រើប្រាស់ទឹកអស់ចំនួន ១៥ឡាន ស្មើនឹង ៦០ម៉ែត្រគូប, រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៦ម៉ែត្រគូប, រថយន្តអគ្គិភ័យទីក្រុងអូឡាំព្យាចំនួន ០២គ្រឿង ប្រើប្រាស់ទឹកអស់ចំនួន០២ ស្មើនឹង ០៨ម៉ែត្រគូប, រថយន្តទីក្រុងជ្រោយចង្វារចំនួន ០៥គ្រឿង ប្រើប្រាស់ទឹក អស់ចំនួន ០៥ឡាន ស្មើនឹង ២០ម៉ែត្រគូប, រថយន្តទីក្រុងនរាចំនួន ០២គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ១២ម៉ែត្រគូប,រថយន្តអគ្គិភ័យសួនឧស្សហកម្មកាណាឌីយ៉ាចំនួន ០១គ្រឿង ប្រើប្រាស់អស់ចំនួន ០១ឡាន ស្មើនឹង ០៤ម៉ែត្រគូប, រថយន្តអគ្គិភ័យបូរីប៉េងហួតចំនួន ០២គ្រឿង ប្រើប្រាស់ទឹកអស់ចំនួន ០៣ឡាន ស្មើនឹង ១៨ម៉ែត្រគូប៕
សមត្ថកិច្ចបានឲ្យដឹងថាហេតុការណ៍អគ្គិភ័យឆាបឆេះធ្វើឲ្យខូចខាតឆេះក្លឹបកំសាន្ត ថ្មបេតុង ទំហំ ១៥ម៉ែត្រ គុណ ២០ម៉ែត្រ និងសម្ភារៈអស់ទាំងស្រុង និងពុំបានឆេះរាលដាលដល់ផ្ទះអ្នកជិតខាងឡើយ៕
ដោយ៖ ជ្រោយពេជ្រ
