សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សម្តេចធិបតី ហ៊ុន ម៉ាណែត បានថ្លែងថា វិស័យឯកជនបានលើកពីកាអនុវត្តការងាររបស់គណៈកម្មាធិការធិការប្រយុទ្ធប្រឆាំងផលិតផលក្លែងក្លាយ នេះបានក្លាយជាបន្ទុកមួយ។ ដើម្បីឆ្លើយទៅនឹងបញ្ហានេះ ក្រសួងមហាផ្ទៃបានដាក់ចេញសេចក្តីសម្រេចលេខ ៤៦ ដល់លេខ៨៦ ស.ស.រ ចុះថ្ងៃទី១៥ ខែកញ្ញា ឆ្នាំ២០២៣ ដើម្បីផ្អាកជាបន្ទាន់នូវការស្រាវជ្រាវ និងស៊ើបអង្កេតការប្រើប្រាស់ផលិតផលក្លែងក្លាយ របស់លេខាធិការដ្ឋាននៃគណៈកម្មាធិការប្រយុទ្ធប្រឆាំងផលិតផលក្លែងក្លាយ ដើម្បីកែសម្រួលតួនាទីភារកិច្ច ឈានទៅលុបបំបាត់អវិជ្ជមានលើប្រសិទ្ធភាពការងារ។
សម្តេចធិបតី ហ៊ុន ម៉ាណែត បានថ្លែងបែបនេះ នៅព្រឹកថ្ងៃទី ១៣ ខែវិច្ឆិកា ឆ្នាំ ២០២៣ ក្នុងឱកាសអញ្ជើញជាអធិបតី ក្នុង «វេទិការាជរដ្ឋាភិបាល-ផ្នែកឯកជន លើកទី១៩» នៅវិមានសន្តិភាព។
សម្តេចធិបតី ហ៊ុន ម៉ាណែត បានថ្លែងបន្តថា បទដ្ឋានការងារត្រូវដាក់ចេញឱ្យបានច្បាស់លាស់ ឱ្យមានភាពសាមញ្ញ ដែលសំខាន់បំផុតត្រូវអនុវត្តឱ្យចំគោលដៅ កុំអនុវត្តលើស។ សម្ដេចធិបតីក៏បានជំរុញឱ្យរដ្ឋមន្ត្រីក្រសួងមហាផ្ទៃ បន្តពន្លឿននីតិវិធីនេះ ដោយធ្វើយ៉ាងណាជំរុញរៀបចំពិនិត្យឡើងវិញ ជាពិសេសយន្តការអនុវត្តតែម្តង ព្រោះវាជាប់ពាក់ព័ន្ធនឹង «កំណែទម្រង់ពង្រឹងរដ្ឋបាលសាធារណៈ» ដែលជាវិធានការគន្លឹះមួយរបស់រដ្ឋាភិបាលនីតិកាលទី៧ ។
សូមបញ្ជាក់ថា៖ គណៈកម្មាធិការធិការប្រយុទ្ធប្រឆាំងផលិតផលក្លែងក្លាយ មួយរយះមានរឿងអាស្រូវចេញពីសាច់ឯង បែកភាយសាយ ដោយកត្តាការគ្រប់គ្រង គ្មានតម្លាភាព រហូតដល់ប្រធានលេខាធិការដ្ឋាន ហ៊ានបើកកកាយរឿងនេះមួយទំហឹង គឺអំពើពុករលួយ ចេញជាសម្លេង ត្រូវប្រព័ន្ធផ្សព្វផ្សាយ បង្ហោះករណីនេះ ខ្មាស់អាជីវករ ខ្មាស់សង្គម ខ្មាស់អ្នករកសុី ដោយសារបង្កើតក្រុមប្រតិបត្តិការច្រើនហួសប្រមាណ ហើយសំខាន់តែរឿង ……៕
ដោយ ៖ សហការី
