សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់ជិះម៉ូតូបណ្តេីរស្រែកថាចោរៗបណ្តេីរក្នុងល្បឿនលឿនជ្រុលដួលបណ្តាលឱ្យរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង១០និង២០នាទីព្រឹក ថ្ងៃទី២២ ខែវិច្ឆិកា ឆ្នាំ២០២៣ នៅចំណុចស្តុបផ្លូវ៦០ម៉ែត្រកែងផ្លូវ៣០ម៉ែត្រទួលពង្រ ភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ។
ជនរងគ្រោះមិនស្គាល់អត្តសញ្ញាណទេ ជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1GW 5022 ។
តាមប្រភព័ត៌មានបានឱ្យដឹងថា មុនពេលកេីតហេតុគេបានឃេីញស្ត្រីរងគ្រោះជិះម៉ូតូតាមបណ្តោយផ្លូវ៣០ម៉ែត្រក្នុងទិសដៅពីជេីងទៅត្បូងក្នុងល្បឿនលឿនហេីយស្រែកថាចោរៗលុះមកដល់ចំណុចកេីតហេតុស្រាប់តែជ្រុលដួលបោកទៅនឹងថ្នល់បណ្តាលឱ្យរងរបួសធ្ងន់សន្លប់បាត់បង់ស្មារតី។
បេីតាមប្រភពព័ត៌មានមួយទៀតបានឱ្យដឹងថា ជនរងគ្រោះត្រូវបានជនសង្ស័យមួយក្រុមធ្វេីសកម្មភាពឆក់កាបូបស្ពាយបានសម្រេចពីចំណុចមុខផ្សារទួលពង្របន្ទាប់មកជនរងគ្រោះក៏ជិះម៉ូតូដេញតាមនឹងស្រែកថាចោរៗតាមក្រោយដេីម្បីឱ្យជួយស្ទាក់ រហូតដួលខ្លួនឯងតែម្តង។
ចំពោះសម្ភារៈបាត់បង់នោះគ្មាននរណាអាចបញ្ជាក់បានទេខណៈជនរងគ្រោះសន្លប់បាត់បង់ស្មារតីបាត់ទៅហេីយ។
ក្រោយកេីតហេតុជនរងគ្រោះត្រូវបានរថយន្តសង្គ្រោះមន្ទីរពេទ្យបង្អែកពោធិ៍ចិនតុងមកទទួលយកទៅសង្គ្រោះចំណែកម៉ូតូសមត្ថកិច្ចយកទៅរក្សាទុករង់ចាំបងប្អូនមកទទួលយកទៅវិញ។
យេីងសង្កេតឃេីញថា ជារៀងរាល់ថ្ងៃបទល្មេីស លួចឆក់ ប្លន់កំពុងតែកេីតឡេីងស្ទេីរតែរៀងរាល់ថ្ងៃ ដូច្នេះសូមបងប្អូនបង្កេីនការប្រុងប្រយ័ត្នឱ្យបានខ្ពស់៕
ដោយ៖ សុខាសែនជ័យ
