សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅព្រឹកថ្ងៃទី២៨ ខែវិច្ឆិកា ឆ្នាំ២០២៣នេះ បានបន្តចូលរួមអបអរសាទរកីឡាករ កីឡាការិនី ដែលឈ្នះមេដាយមាស ,ប្រាក់ និងសំរឹទ្ធ ក្នុងព្រឹត្តិការណ៍ប្រកួត(ASPECT BROADSWORD SINGLE FORM FEMALE) នៅប្រទេសវៀតណាម។
ជាក់ស្ដែង សម្ដចធិបតី បានចូលរួមអបអរសាទរ កីឡាការិនីវ៉ូវីណាមកម្ពុជា ប៉ាល់ ឆរស្មី ដែលបានឈ្នះមេដាយមាស ក្នុងព្រឹត្តិការណ៍ប្រកួត ជ្រើសរើសជើងឯកកីឡាវ៉ូវីណាមពិភពលោក លេីកទី៧ លើវិញ្ញាសា មេគុនកាំបិតធំ (ASPECT BROADSWORD SINGLE FORM FEMALE) នៅប្រទេសវៀតណាម នាព្រឹកថ្ងៃទី២៨ វិច្ឆិកា ២០២៣នេះ។
ជាមួយគ្នានោះ សម្ដេចធិបតី ក៏បានចូលរួមអបអរសាទរ កីឡាករវ៉ូវីណាមកម្ពុជា កៅ វិចិត្ររាជ្យ ដែលបានឈ្នះមេដាយប្រាក់ ក្នុងព្រឹត្តិការណ៍ប្រកួត ជ្រើសរើសជើងឯកកីឡាវ៉ូវីណាមពិភពលោក លេីកទី៧ វិញ្ញាសាប្រយុទ្ធបុរស ប្រភេទទម្ងន់៦៨គីឡូក្រាម នៅប្រទេសវៀតណាម កាលពីថ្ងៃទី២៧ វិច្ឆិកាម្សិលមិញនេះ។
អបអរសាទរ កីឡាករវ៉ូវីណាមកម្ពុជា សួស សុវណ្ណចាន់ ដែលបានឈ្នះមេដាយសំរឹទ្ធ ក្នុងព្រឹត្តិការណ៍ប្រកួត ជ្រើសរើសជើងឯកកីឡាវ៉ូវីណាមពិភពលោក លេីកទី៧ វិញ្ញាសាប្រយុទ្ធបុរស ប្រភេទទម្ងន់៦៨គីឡូក្រាម នៅប្រទេសវៀតណាម ថ្ងៃទី២៧ វិច្ឆិកាម្សិលមិញផងដែរ៕
ដោយ៖ សហការី
