សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ បើតាមប្រភពព័ត៌មានពីនគរបាលស្រុកសាលក្រៅបានឱ្យដឹកថា កាលពីវេលាម៉ោង២១និង៣៧នាទី ថ្ងៃទី ២៨ ខែវិច្ឆិកា ឆ្នាំ២០២៣ មានករណី គ្រោះថ្នាក់ចរាចរណ៍ (រថយន្តនិងម៉ូតូ) មួយករណី ដែលបើកបរបញ្ច្រាសទិសគ្នាពីរកើតទៅលិចនៅចំណុចខាងមុខហាងកាហ្វេ៦៦៦ ស្ថិតក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
សមត្តកិច្ចជំនាញបានបន្តថា ករណីនេះ ជនរងគ្រោះម្ចាស់ម៉ូតូមានឈ្មោះ គី ចិនឡុង ភេទប្រុស អាយុ២៥ឆ្នាំ បើកបរម៉ូតូម៉ាក zoomer x ពាក់ស្លាកលេខបាត់ដំបង1AL.4089(របួសបែកក្បាលធ្ងន់និងរលាត់ដៃជើង) បច្ចុប្បន្នរស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
អ្នកបង្កម្ចាស់រថយន្តឈ្មោះ Feng yuyao ភេទប្រុស អាយុ២៦ឆ្នាំ ជនជាតិចិនបើកបររថយន្តម៉ាកហាយឡេនឌែរសេ៊រីឆ្នាំ២០០៩ ពាក់ស្លាកលេខកម្ពុជា DQEB .899 (គ្មានរបួស)មានទីលំនៅបច្ចុប្បន្នភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
អ្នករួមដំណើរឈ្មោះ វ័យ វ័យ ភេទស្រី អាយុ៤០ឆ្នាំ ជនជាតិចិននាំ(គ្មានរបួស) បច្ចប្បន្នរស់នៅភូមិ ផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
-មូលហេតុ: បណ្តាលមកពីកត្តាមនុស្ស បើកបរថយន្តបទខ្វះការប្រុងប្រយ័ត្ន។
បច្ចុប្បន្ន ជនរងគ្រោះត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តប៉ៃលិន ចំណែកម៉ូតូនិងរថយន្តត្រូវបានរក្សាទុកនៅទីស្នាក់ការប៉ុស្តិ៍នគរបាលរដ្ឋបាលស្ទឹងកាច់៕
ដោយ៖ស សារ៉េត
