សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយក ដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បានឱ្យដឹងថា ករណីគ្រោះថ្នាក់ចរាចរណ៍ទូទាំងប្រទេសកម្ពុជា នៅថ្ងៃទី ២៩ ខែវិច្ឆិកា ឆ្នាំ២០២៣នេះ បណ្ដាលឱ្យមនុស្ស ០៧នាក់ស្លាប់ និង ១៣នាក់ទៀតរងរបួសធ្ងន់ស្រាល កើតឡើងចំនួន ១១លើក។ ដូច្នេះ ពេលបើកបរកុំពិសារគ្រឿងស្រវឹង និងគោរពច្បាប់ចរាចរណ៍ស្មើនឹងគោរពជីវិតខ្លួនឯង!
ក្នុងករណីគ្រោះថ្នាក់ចរាចរណ៍ទូទាំងប្រទេសនៅថ្ងៃទី២៩ វិច្ឆិកានេះ បានកើតឡើងចំនួន ១១លើក (យប់ ០៥លើក) បណ្តាលឲ្យមនុស្ស ស្លាប់ ០៧នាក់ (ស្រី០២នាក់), រងរបួសសរុប ១៣នាក់ (ស្រី ០៥នាក់), រងរបួសធ្ងន់ ០៦នាក់ (ស្រី ០២នាក់) រងរបួសស្រាល ០៧នាក់ (ស្រី ០៣នាក់) និងមិនពាក់មួកសុវត្ថិភាព ១៤នាក់ (យប់ ០៦នាក់)។
របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមានៈ ៖ ល្មើសល្បឿន០៥លើក (ស្លាប់ ០៥នាក់) , មិនគោរពសិទ្ធិ ០៣លើក (ស្លាប់ ០១នាក់), ប្រជែងគ្រោះថ្នាក់ ០១លើក (ស្លាប់ ០១នាក់), បត់គ្រោះថ្នាក់ ០១លើក (ស្លាប់ ០នាក់)និង ស្រវឹង ០១លើក (ស្លាប់ ០នាក់)។
ជាមួយគ្នានេះ យោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក នៅថ្ងៃទី២៩ ខែវិច្ឆិកានេះដែរ បានបង្ហាញពីលទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោក បានរកឃើញយានយន្តល្មើសចំនួន ៥៤គ្រឿង ត្រូវបានផាកពិន័យតាមអនុក្រឹត្យលេខ៣៩ នៅទូទាំងប្រទេសកម្ពុជា។
របាយការណ៍ដដែល ក៏បានបង្ហាញលទ្ធផលរយៈពេល ២៩ថ្ងៃ ពីថ្ងៃទី១-២៩ ខែវិច្ឆិកា ឆ្នាំ២០២៣នេះថា យានយន្តចូលគោលដៅចំនួន ១៥,៥៨២គ្រឿង រថយន្តធំ ២៧៨គ្រឿង រថយន្តតូច ២,៩៥៣គ្រឿង ម៉ូតូ ១២,៣៥២គ្រឿង ។ ក្នុងនោះរកឃើញយានយន្តល្មើសសរុបចំនួន ១១,៩៣៦គ្រឿង, រថយន្តធំ ៩៣គ្រឿង, រថយន្តតូច ១,៥១៥គ្រឿង និងម៉ូតូ ១០,៣២៨គ្រឿង (១០,៣២៨ករណី) ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស៕
ដោយ៖ សហការី
