សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ ៖ យុវតី ៣រូប រងការរិះគន់ ពីប្រជាពលរដ្ឋ ពេញបណ្តាញទំនាក់ទំនងសង្គមហ្វេសប៊ុក ខណៈឃើញ ពួកគេជិះម៉ូតូលឿន គ្មានមួកសុវត្ថិភាព ជ្រេ សភាពមិនសមរម្យ មិនអាណិត ដល់កិត្តិយស អាណាព្យាបាល ឪពុកម្តាយ សូម្បីបន្តិច។
សូមបញ្ជាក់ថា , អ្នកគ្រូបង្រៀនម្នាក់នៅវិទ្យាល័យមួយក្នុងខេត្តតាកែវ អត់ទ្រាំលែងបានតាមប្រមាញ់ថតទាំងកណ្តាលថ្ងៃ ព្រោះតែឃើញសកម្មភាពក្មេងទំនើង ៣នាក់ ជិះម៉ូតូឌុបគ្នា ក្នុងឥរិយាបទដ៏មិនសមរម្យ ខណៈបើកម៉ូតូយ៉ាង លឿន ដែលសូម្បីមួកការពារសុវត្ថិភាពក៏គ្មានដែរ ត្រូវបានមហាជនអ្នកប្រើប្រាស់បណ្តាញសង្គម ស្ទើររកថ្លែងពុំចេញ បន្ទាប់ពីបានឃើញការបង្ហោះវីដេអូដែលគាត់បានព្យាយាមតាមប្រមាញ់ដោយផ្ទាល់ ។
តាមគណនីហ្វេសប៊ុកអ្នកគ្រូដែលមានឈ្មោះ Chim Bopha បានបង្ហោះវីដេអូពីសកម្មភាពរបស់ក្មេងស្រីទំនើងទាំងនោះ ដោយភ្ជាប់សារយ៉ាងដូច្នេះថា៖ «ក្មេងៗប្រុស ស្រី មួយក្រុមដែលតែងតែជិះម៉ូតូ ប្រលែងគ្នាស្រែកឡូឡាបាចសាចពេញផ្លូវ បង្កភាពអសន្តិសុខដល់អ្នកធ្វើដំណើរ ឥឡូវបានឃើញមុខច្បាស់ហើយ»។
អ្នកគ្រូខាងលើ បានបញ្ជាក់បន្ថែមថា «ខ្ញុំបានឃើញក្មេងៗទាំងអស់ហ្នឹង ធ្វើសកម្មភាពចលាចលរាល់ថ្ងៃ ថ្ងៃនេះថតបានដោយសារពេលថ្ងៃប្រហែលម៉ោងមួយ មិនសូវមានមនុស្សធ្វើដំណើរតាមដងផ្លូវ ទើបខ្ញុំដេញតាមថតឡើងហុយដីទ្រលោម» ។
តាមពិត ! ពេលដែលយើងបានមើលឃើញអំពីសកម្មភាពរបស់យុវតីទាំងបីរូប ជិះម៉ូតូ បង្ហាញពីកាយវិការ ជាក្មេងដែលទទួលបានការអប់រំតិចតួច ឬក៏ ពួកគេខ្វះការទទួលយកចិត្តទុកដាក់ក្នុងការអប់រំ កាយវិការ សំលៀកបំពាក់ ហាក់មិនមែនជាសិស្សសាលាទេ ទៅជាក្រុមយុវតីទំនើង សប្បាយ ឈ្លក់វង្វេង នឹងការសប្បាយ អូសទាញឲ្យខូចអនាគត ប្រសិនបើពួកគេមិនកែខ្លួន ។ ដូច្នេះអាណាព្យាបាល ឪពុកម្ដាយ សាច់ញាតិ លោកគ្រូអ្នកគ្រូ សមត្ថកិច្ច បើបានឃើញនូទង្វើទាំងអស់នេះ មេត្តាអប់រំ ប្រៀនប្រដៅ ដើម្បីឲ្យគាត់មានអនាគតល្អផង ៕
ដោយ ៖ សហការី
