នគរបាលខណ្ឌឬស្សីកែវ ឃាត់ខ្លួនជនសង្ស័យម្នាក់ ដែលធ្វើសកម្មភាពលួចម៉ូតូ នៅក្នុងមូលដ្ឋាន

ភ្នំពេញ ៖ ជនសង្ស័យម្នាក់ ត្រូវកំលាំងនគរបាលខណ្ឌប្ញស្សីកែវ ឃាត់ខ្លួន ក្រោយធ្វើសកម្មភាពជាក់ស្តែងលួច ម៉ូតូ បានសម្រេចតែរត់មិនរួចនៅថ្ងៃទី១៤ ខែធ្នូ ឆ្នាំ២០២៣ វេលាម៉ោង១៥និង៤០នាទីរសៀលចំណុច ផ្ទះលេខ៧០៨ ក្រុម៥ ផ្លូវ៥៨ ភូមិផ្សារតូច សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ ។

ជនរងគ្រោះឈ្មោះ លឹម ឈួន ភេទប្រុស អាយុ ៨៣ឆាំ្ន មុខរបរនៅផ្ទះ មានទីលំនៅផ្ទះកន្លែងកើតហេតុខាងលើ  ។

  ជនសង្ស័យចំនួន១នាក់ឈ្មោះ វ៉ាន់ វីន ភេទប្រុស អាយុ២២ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិ១៦ សង្កាត់ស្រះចក ខណ្ឌដូនពេញ រាជធានីភ្នំពេញ (មានសារធាតុញៀន) ឃាត់ខ្លួន ។

   *សំភារៈដកហូតរួមមាន:

_សោរខ្សៀរលេខ៨ចំនួន០១

_ដែកសំប៉ែតចុងស្រួចចំនួន០១ ។

_ម៉ូតូ០១គ្រឿងម៉ាកសង់C125 ពណ៌ខ្មៅ សា្លកលេខភ្នំពេញ1IF.7505 ( របស់ជនរងគ្រោះ ) បានប្រគល់ជូនមា្ចស់វិញ ។ 

  លោក ហ៊ាង ថារ៉េត អធិការខណ្ឌប្ញស្សីកែវ បានអោយដឹងថា មុនពេលកើតហេតុនៅថ្ងៃខែឆ្នាំខាងលើ ជនរងគ្រោះបានទុកម៉ូតូមុខផ្ទះស្រាប់តែមានជនសង្ស័យ០១នាក់ដើរមកធ្វើសកម្មភាពលួចយកជើងធាក់ដៃចង្កូតម៉ូតូ០១គ្រឿង ក៏ត្រូវជនរងគ្រោះឃើញទាន់ស្រែកចោរៗផ្អើលឆោឡោដល់អ្នកជិតខាងកំលាំងសមត្ថកិច្ចជួយអន្តរាគមន៍ឃាត់ជនសង្ស័យ០១នាក់យកមកប៉ុស្ដិ៍ដើម្បី ចាត់ការតាមនីតិវិធី ៕

ដោយ៖ ជីណា