សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រោងចក្រផលិតអំពូលភ្លេីងមួយកន្លែងត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អេីលដល់ប្រជាពលរដ្ឋ និងកម្លាំងសមត្ថកិច្ចចុះមកអន្តរាគមន៍ភ្លាមៗកាលពីវេលាម៉ោង៦និង២០នាទីល្ងាច ថ្ងៃទី១៧ ខែធ្នូ ឆ្នាំ២០២៣ នៅភូមិកប់គង សង្កាត់ ចោមចៅទី២ ខណ្ឌពោធិ៍សែនជ័យ ។
តាមរបាយការណ៍សមត្ថកិច្ចបានឱ្យដឹងថា រោងចក្រខាងលេីមានយីហោ ជ័រធីប្រាយធីង ផលិតខ្សែភ្លេីង មាន ថៅកែជាជនជាតិចិន និងជាប្រភេទសំណង់ប្រក់សង្ក័សី ទំហំបណ្តោយ៣០ម៉ែត្រ ទទឹង២០ម៉ែត្រ។
តាមប្រភពពដដែលបានឱ្យដឹងទៀតថា នៅមុនពេលកេីតហេតុរោងចក្រខាងលេីត្រូវបានកម្មករសំរាកមិនមានធ្វេីការនោះទេ លុះមកដល់វេលាកេីតហេតុស្រាប់តែឃេីញមានភ្លេីងឆាបឆេះយ៉ាងសន្ធោសន្ធៅនៅផ្នែកខាងក្រោយនៃអគារ ភ្លាមនោះប្រជាពលរដ្ឋបានរាយការណ៍ទៅអាជ្ញាធរមានសមត្ថកិច្ចភ្លាមៗ។
ក្រោយពីទទួលបានព័ត៌មានភ្លាមកម្លាំងសមត្ថកិច្ចបានទាក់ទងទៅជំនាញមន្ត្រីបង្ការនិងពន្លត់អគ្គិភ័យដេីម្បីមកអន្តរាគមន៍ដោយ រថយន្តការិយាល័យពន្លត់អគ្គិភ័យរបស់ស្នងការនគរបាលរាជធានីភ្នំពេញ ចំនួន ១៩គ្រឿង ។
រថយន្តអគ្គិភយ័របស់ អង្គភាព៧១១ កងពលតូចលេខ៧០ ចំនួន៣គ្រឿង ។
រថយន្តអគ្គិភ័យរបស់ទីក្រុងជ្រោយចង្វា ចំនួន៥គ្រឿង។
រថយន្តអគ្គិភ័យកាណាឌីយ៉ា ១គ្រឿង។
អគ្គិភ័យត្រូវបានគ្រប់គងបានទាំងស្រុងនៅវេលាម៉ោង ១៩និង៣០ នាទីថ្ងៃខែឆ្នាំដដែល ដោយមិនមានរាលដាលដល់ផ្ទះប្រជាពលរដ្ឋនោះទេ ។
ចំណែកមូលហេតុនៃការឆាបឆេះបណ្តាលមកពីឆ្លងចរន្តអគ្គិសនី៕
ដោយ៖សុខាសែនជ័យ
