សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ ដេីម្បីទប់ស្កាត់បទល្មើសនេសាទខុសច្បាប់ នៅតាមបឹងទន្លេសាប មន្ត្រីជំនាញរដ្ឋបាលជលផល បានសហការជាមួយកម្លាំងសមត្ថកិច្ចចម្រុះ បន្តចុះបង្ក្រាបបទល្មើសនេសាទនៅចំណុចព្រំប្រទល់ខេត្តចំនួន ៣ខេត្ត។
ជាក់ស្ដែងនាថ្ងៃទី១៨ ខែធ្នូ ឆ្នាំ២០២៣ ក្រុមការងារដឹកនាំដោយលោក ប៉ែន ផល្លិកា អនុរដ្ឋលេខាធិការក្រសួងកសិកម្ម និងលោក សុង ហុង អនុប្រធានរដ្ឋបាលជលផល រួមជាមួយអធិការដ្ឋានរដ្ឋបាលជលផលខាងត្បួង និងខាងជើងបឹងទន្លេសាប ខណ្ឌរដ្ឋបាលជលផលកំពង់ឆ្នាំង ,ពោធិ៍សាត់ និងកំពង់ធំ និងអាវុធហត្ថចម្រុះប្រចាំបឹងទន្លេសាប កម្លាំងសរុប ៦៧នាក់ និងមធ្យោបាយកាណូត ១៥គ្រឿង បានចុះបង្ក្រាបបទល្មើសនេសាទនៅចំណុចព្រំប្រទល់ ៣ខេត្ត។
ក្នុងប្រតិបត្តិការនោះ ជាលទ្ធផលកម្លាំងជំនាញបង្ក្រាបបានវត្ថុតាងរួមមាន៖ រុះរើរបាំងសាច់អួនចំនួន ២៤កន្លែង ប្រវែង ៦៩០០ម៉ែត្រ លបលូសាច់អួន ២៤មាត់ បង្គោលចំនួន ៦៥០ដើម និងចាក់លែងត្រីចំនួន ២៦០គីឡូក្រាម។
ប្រភពដដែលបន្តថា ក្នុងប្រតិបត្តិការនោះ កម្លាំងជំនាញ បានបន្តការងារនេះរយៈពេល ៥ថ្ងៃបន្ថែមទៀត៕
ដោយ៖ សហការី
