សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តបែនដឹកខ្សាច់មួយគ្រឿងខណៈបេីកបម្រុងចូលចាក់ប្រេងបានជាន់លូផុងក្រឡាប់ផ្ងារជេីងច្រងាងៗ តែសំណាងដែរដែលមិនមានអ្នករងរបួស។
ហេតុការណ៍នេះបានកេីតឡេីងកាលពីវេលាម៉ោង៩ព្រឹកថ្ងៃទី២០ ខែធ្នូឆ្នាំ២០២៣ នៅចំណុចច្រកចូលសាលាពេទ្យ តាមបណ្តោយផ្លូវជាតិលេខ៣ ភូមិក្រាំងដូនទៃ សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តបែនដឹកខ្សាច់ ពណ៌ស ពាក់ស្លាក់លេខចង្កូតស្តាំ PP 3380 ធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជេីងខណៈមកដល់ចំណុចកេីតហេតុបានបត់ស្តាំបំណងចូលចាក់ប្រេងស្រាប់តែជាន់គម្របលូផុងបណ្តាលឱ្យក្រឡាប់ផ្ងារជេីងតែសំណាងល្អមិនមានមនុស្សរងរបួស។
ក្រោយកេីតហេតុម្ចាស់រថយន្តបានហៅរថយន្តស្ទូចមកស្ទូចយកទៅជួសជុលដោយខ្លួនឯង៕
ដោយ៖សុខាសែនជ័យ
