សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ព្រះរាជអាជ្ញា អមសាលាដំបូងខេត្តបាត់ដំបង លោក កែវ សុជាតិ នៅថ្ងៃទី២ ខែមករា ឆ្នាំ២០២៤ ដែលតែងទទួលបានការគាំទ្រពីសំណាក់ប្រជាពលរដ្ឋ ចំពោះឆន្ទះរបស់គាត់ ផ្តល់ភាពយុត្តិធម៌ដល់សង្គម និងមានឥរិយាបថទន់ភ្លន់ រមែងបង្កើតឡើងនូវទំនាក់ទំនងរឹងមាំ ! សំបូរទៅដោយកាយល្អ វាចាល្អ ចិត្តល្អ នាំមកនូវសិរីសួស្តី បានបង្ហោះលើ Facebook ផ្លូវការរបស់គាត់ថា ៖
អរគុណសន្តិភាព
កម្មវិធីឆ្លងឆ្នាំ២០២៣ ចូល២០២៤ ក្នុងសម័យកាលសន្តិភាពនៃកម្ពុជា ប្រទេសជាតិជួបសេចក្តីសុខក្សេមក្សាន្ត នយោបាយមានស្ថេរភាពល្អប្រសេីរ សន្តិសុខសណ្តាប់ធ្នាប់ និងសុវត្តិភាពសង្គមត្រូវបានធានា ជាតិថ្កុំថ្កេីនរុងរឿងល្បីល្បាញលេីឆាកជាតិ និងអន្តរជាតិ មានកេរ្តិ៏ឈ្មោះបោះសម្លេងនៅលេីពិភពលោក មានកិត្យានុភាព កិត្តិយស សុះសាយចោលក្លិនក្រអូបនៃប្រទេសតូច បេះដូងធំ មួយនេះ ធ្វេីឱ្យវប្បធម៌ អារ្យធ៌មជាតិ លេីកតម្កេីងខ្ពង់ខ្ពស់ ប្រជាជនរស់នៅក្រោមម្លប់សន្តិភាព មានសេចក្តីសុខ សុភមង្គល ជីវភាពថ្លៃថ្នូរ សម្បូរសប្បាយ រីករាយស្រស់ស្រាយ អាចធ្វេីដំណេីរទៅគ្រប់ទិសទីដោយគ្មានខ្លាចអំពីសន្តិសុខអ្វីសោះឡេីយ។ ផ្ទុយទៅវិញបេីយេីងក្រឡេកមេីលអតីតកាល ប្រទេសជាតិជួបរឿងសោកសៅ សង្គ្រាមហែកហួរពេញផ្ទៃប្រទេស ប្រជាជនរស់លំបាកវេទនា រស់នៅទាំងភ័យខ្លាច មិនហ៊ានធ្វេីដំណេីរកំសាន្តព្រោះតែជីវភាពយ៉ាប់យឺន និងខ្លាចគ្រាប់កាំភ្លេីងផ្លោងត្រូវបាត់បង់ជីវិត ការរស់នៅមិនដឹងថាស្លាប់នៅពេលណា គឺមានតែនាំគ្នាអុជធូកបន់ស្រន់សុំសន្តិភាព សុំសេចក្តីសុខតែប៉ុណ្ណោះ។
លោកបានសំណេរទៀតថា ៖ ពេលនេះកម្ពុជាមានរបស់ទាំងអស់នេះហេីយ ដូច្នេះយេីងទាំងអស់គ្នាត្រូវតែថែររក្សាកុំអោយបាត់បង់អោយសោះ ថែររក្សាសន្តិភាពនេះអោយបានយូរអង្វែង ដេីម្បីសេចក្តីសុខរបស់យេីងទាំងអស់គ្នា ដេីម្បីប្រទេសជាតិសុខសាន្ត រីកចម្រេីនឥតឈប់ឈរ។
សូមបញ្ជាក់ថា ៖ ការលើកឡើងរបស់លោក ស្របពេលដែលឃើញ រថយន្តជាង៨ម៉ឺនគ្រឿងឆ្លងកាត់ ផ្លូវល្បឿនលឿនភ្នំពេញ-ព្រះសីហនុ ក្នុងរយះពេល៣ថ្ងៃអំឡុងពេលឆ្លងឆ្នាំ។ នេះសបញ្ជាក់ថា ប្រជាពលរដ្ឋយើងមានលទ្ធភាពច្រើន ក្នុងសម័យ សន្តិភាព ៕
ដោយ ៖ សុខ ខេមរា
