សារព័ត៌មាន នគរវត្ត តែងតែនាំមុខគេជានិច្ច
សហរដ្ឋអាមេរិកនិងសម្ព័ន្ធមិត្តកាលពីថ្ងៃពុធ បានថ្កោលទោសចំពោះសកម្មភាពរបស់រុស្ស៊ីក្នុងការបាញ់មីស៊ីលដែលផលិតដោយកូរ៉េខាងជើង ប្រឆាំងនឹងអ៊ុយក្រែន។
ក្នុងអំឡុងសម័យប្រជុំនៃក្រុមប្រឹក្សាសន្តិសុខអង្គការសហប្រជាជាតិអំពីសង្រ្គាមជិតពីរឆ្នាំដែលបង្កឡើងដោយយុទ្ធនាការពិសេសរបស់រុស្ស៊ីនៅអ៊ុយក្រែន បេសកជនរុស្ស៊ីបានបញ្ជាក់ថា សហរដ្ឋអាមេរិកកំពុងផ្សព្វផ្សាយព័ត៌មានមិនពិត។
ទោះជាយ៉ាងណាក៏ដោយ បេសកជននេះមិនបានបដិសេធទាំងស្រុងចំពោះការចោទប្រកាន់ដែលថារុស្ស៊ីកំពុងប្រើប្រាស់អាវុធរបស់កូរ៉េខាងជើងដែលជាសកម្មភាពរបស់អនុប្រធានទូតអាមេរិកប្រចាំអង្គការសហប្រជាជាតិ Robert Wood និងសម្ព័ន្ធមិត្តរបស់សហរដ្ឋអាមេរិកបានអះអាងថា ជាការរំលោភលើសេចក្តីសម្រេចរបស់អង្គការសហប្រជាជាតិ។
កន្លងមក សហរដ្ឋអាមេរិកនិងប្រទេសចំនួនប្រាំពីរផ្សេងទៀតបានចោទប្រកាន់រុស្ស៊ីថា បានទាញយកផលប្រយោជន៍ពីមុខតំណែងរបស់ខ្លួនជាសមាជិកអចិន្ត្រៃយ៍ដែលមានអំណាចវេតូនៅក្នុងក្រុមប្រឹក្សា នៅពេលទិញមីស៊ីលពីកូរ៉េខាងជើង និងប្រើប្រាស់មីស៊ីលទាំងនេះដើម្បីតម្រង់គោលដៅអ៊ុយក្រែន ដោយបំពានលើដំណោះស្រាយរបស់ក្រុមប្រឹក្សា។
សេចក្តីថ្លែងការណ៍របស់សមាជិកក្រុមប្រឹក្សាអចិន្ត្រៃយ៍ អង់គ្លេស បារាំង និងសហរដ្ឋអាមេរិក រួមជាមួយនឹងសមាជិកមិនអចិន្ត្រៃយ៍ ប្រទេសម៉ាល់តា ស្លូវេនី កូរ៉េខាងត្បូង ជប៉ុន និងអ៊ុយក្រែន បាននិយាយថា “សមាជិកអចិន្ត្រៃយ៍នៃក្រុមប្រឹក្សាសន្តិសុខ មានឆន្ទៈក្នុងការប្រព្រឹត្តការរំលោភទាំងនេះ បង្ហាញយ៉ាងច្បាស់នូវឥរិយាបថនៃការទាញយកប្រយោជន៍ពីមុខតំណែងរបស់ខ្លួន»។
ការណ៍ពិតដែលថា រុស្ស៊ីកាន់អំណាចវេតូនៅក្នុងក្រុមប្រឹក្សាក៏ដូចជាចក្រភពអង់គ្លេស ចិន បារាំង និងសហរដ្ឋអាមេរិក ធ្វើឱ្យអង្គការនេះមិនអាចដាក់ទណ្ឌកម្មក្រុងម៉ូស្គូបានទេ៕ ដោយ៖ ធីរីណា
រូបថត៖ nguoiduatin.vn
